କରୋନାକୁ ହଟାଇବା ଅସମ୍ଭବ, ଏପରିକି ବଢ଼ୁଥିବା ମାମଲାଗୁଡ଼ିକର ମଧ୍ୟ ଅର୍ଥ କିଛି ନାହିଁ : କୋଭିଡ ପ୍ୟାନେଲ ମୁଖ୍ୟଙ୍କ ଦାବୀ
ନୂଆଦିଲ୍ଲୀ : ଦେଶରେ କରୋନା ଭୂତାଣୁର ବିସ୍ଫୋରଣ ଘଟିଛି । ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ, ଶୁକ୍ରବାର ଦିନ ସମଗ୍ର ଦେଶରେ ୧ ଲକ୍ଷ ୧୭ ହଜାର ୧୦୦ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କରୋନାର ପଜିଟିଭ୍ ହାର ମଧ୍ୟ ୭.୭୪ ପ୍ରତିଶତକୁ ବୃଦ୍ଧି ପାଇଛି । ଅନେକ ମାମଲା ସତେ୍ତ୍ୱ ନ୍ୟାସନାଲ କୋଭିଡ -୧୯ ଉପରେ ଗଠିତ ଜାତୀୟ କୋଭିଡ -୧୯ ସୁପରମୋଡେଲ କମିଟିର ମୁଖ୍ୟ ଡ. ଏମ ବିଦ୍ୟାସାଗର କହିଛନ୍ତି ଯେ, କୋଭିଡ ସଂକ୍ରମଣର ବୃଦ୍ଧି ଏବଂ ଏହାର ସଂକ୍ରମଣ ସଂଖ୍ୟାକୁ ଦୃଷ୍ଟି ଦେବା ବନ୍ଦ ହେବା ଉଚିତ କାରଣ ଏହାର କୌଣସି ଅର୍ଥ ନାହିଁ । ଗଣମାଧ୍ୟମ ସହିତ କଥାବାର୍ତ୍ତା କରୁଥିବା ବେଳେ ଡକ୍ଟର ବିଦ୍ୟାସାଗର କହିଛନ୍ତି ଯେ, କୋଭିଡକୁ ହଟାଇବା ଅସମ୍ଭବ । କାରଣ ଏହା ରୋଗ ପ୍ରତିରୋଧକ ଶକ୍ତିକୁ ଆଶ୍ଚର୍ଯ୍ୟଜନକ ବାଧା ଦେଉଛି । ଆଇଆଇଟି ହାଇଦ୍ରାବାଦର ପ୍ରଫେସର ଡଃ. ବିଦ୍ୟାସାଗରଙ୍କ କହିବାନୁସାରେ, ଓମିକ୍ରୋନର ଧମକକୁ ଦୃଷ୍ଟିରେ ରଖି ପଜିଟିଭ୍ ସଂଖ୍ୟା ପରିସ୍ଥିତିର ଗମ୍ଭୀରତାକୁ ବୁଝିବାର ସଠିକ ପ୍ରମାଣ ନୁହେଁ ।ଡକ୍ଟର ଏମ ବିଦ୍ୟାସାଗର କହିଛନ୍ତି ଯେ, ବର୍ତ୍ତମାନର କରୋନା ଭୂତାଣୁ ଏତେ ପରିବର୍ତ୍ତନଶୀଳ ଯେ ଟିକା ଦ୍ଦ୍ୱାରା ବିକଶିତ ରୋଗ ପ୍ରତିରୋଧକ ଶକ୍ତି ମଧ୍ୟ କାମ କରୁନାହିିଁ । ତେଣୁ ମାନବ ଶରୀର ଏହି ଭୂତାଣୁ ବିରୁଦ୍ଧରେ ଲଢ଼ିବାକୁ ସକ୍ଷମ ନୁହେଁ । ସେ କହିଛନ୍ତି ଯେ, ତେଣୁ କୋଭିଡ ସହିତ ଜଡିତ କୌଣସି ପ୍ରକାର ନୀତି ପ୍ରସ୍ତୁତ କରିବାବେଳେ ଆମେ ଏହି ସଂଖ୍ୟା ପ୍ରତି ଧ୍ୟାନ ଦେବା ଉଚିତ୍ ନୁହେଁ । ସେ କହିଛନ୍ତି ଯେ ସ୍କୁଲ, କଲେଜ, କାର୍ଯ୍ୟାଳୟ ବନ୍ଦ କିମ୍ବା ଲକଡାଉନ୍ ଲାଗୁ କରିବା ପାଇଁ ନୀତି ନିର୍ଣ୍ଣୟ କରିବା ସମୟରେ ଆମକୁ କରୋନା ପଜିଟିଭିଟିର ସଂଖ୍ୟା ପ୍ରତି ଧ୍ୟାନ ଦେବା ଆବଶ୍ୟକ ନାହିଁ । ସେ କହିଛନ୍ତି ଯେ, କରୋନା ରୋଗ ବୃଦ୍ଧି ପାଇବ. କାରଣ ଏହାକୁ ଏଡାଇବା ପାଇଁ ମଣିଷର କୌଣସି ଦକ୍ଷ ଉପାୟ ନାହିଁ ।
