ତୁରେକେଲା, (କୈଳାଶ ସଗ୍ରିଆ) : ଗତ ମଙ୍ଗଳବାର ଦିନ ତୁରେକେଲା ବ୍ଲକ କାର୍ଯ୍ୟାଳୟରେ ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି । ଏହି ଅବସରରେ ତୁରେକେଲା ବ୍ଲକର ସମସ୍ସ୍ତ ସରପଞ୍ଚ ମାନେ ମଧ୍ୟ ଉପସ୍ଥିତ ଥିଲେ । ବ୍ଲକ୍ ଅଧ୍ୟକ୍ଷା ଅନ୍ନୁ ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ବ୍ଲକ୍ ଉପାଧ୍ୟକ୍ଷା, ବିଡ଼ିଓ ଦେବାଶିଷ ସାମଲ, ଜିପିଓ ଗୋବିନ୍ଦ ଭୋଇ, ଏଇ କୁଳମଣି ଭୋଇ ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ । ଏହି ଅବସରରେ ବିଧାୟକ, ବ୍ଲକ୍ ଅଧ୍ୟକ୍ଷା ଓ ବିଡ଼ିଓଙ୍କୁ ସମ୍ମାନିତ କରି ପାଞ୍ଚ ବର୍ଷ କାର୍ୟ୍ୟକାଳରେ ଉନ୍ନତିକରଣ କାର୍ୟ୍ୟ ପାଇଁ ଧନ୍ୟବାଦ ଅର୍ପଣ କରାଯାଇଥିଲା ।