ବଲାଙ୍ଗିର, (ଦେବାଶିଷ ମିଶ୍ର) : ଟିକ୍ରାପଡା ସ୍ଥିତ ଦଧିବାମନ ମନ୍ଦିରରେ ସାମ୍ବାଦିକ ସତ୍ୟନାରାୟଣ ବେହେରାଙ୍କୁ ପୂଜ୍ୟ ପୂଜା ସେବା ସଂଗଠନ ତରଫରୁ ଗତକାଲି ସନ୍ଧ୍ୟାରେ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ଡାକ୍ତର ଅଶୋକ କୁମାର ସେଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଅମର ଆତ୍ମାର ସତଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରାଯାଇ ମହାମୃତ୍ୟୁଂଜୟ ମନ୍ତ୍ର ଉଚ୍ଚାରଣ କରାଯାଇଥିଲା । ଉକ୍ତ ଶ୍ରଦ୍ଧାଞ୍ଜଳି ସଭାରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, କପିଳ ପତି, ହୃଷିକେଶ ପୁରୋହିତ, ଅରୁଣ କୁମାର ଖୁଆସ, ଦୁର୍ଗାଚରଣ ସାହୁ, ଚୁଡେନ୍ଦ୍ର କୁମାର ବେହେରା, ସୁନାଧର ବନଛୋର, ରତ୍ନମୟ ତ୍ରିପାଠୀ ଓ ମଦନ ମୋହନ ରଥ ନିଜ ନିଜ ବକ୍ତବ୍ୟରେ ସ୍ୱର୍ଗତ ବେହେରାଙ୍କୁ ଜଣେ ଦକ୍ଷ ସମ୍ବାଦିକ, କବି, ଲେଖକ, ଆଲୋଚକ ଓ ସ୍ତମ୍ଭକାର ବୋଲି ପ୍ରକାଶ କରିଥିଲେ ।