ଭୁବନେଶ୍ୱର, (କେପିଏନ୍ଏସ୍) : ଗତକାଲି ନିଉଜ ୭ରେ କାର୍ଯ୍ୟରତ ଭିଡ଼ିଓ ଜର୍ଣ୍ଣାଲିଷ୍ଟ ସୁବୋଧ ପାଣିଗ୍ରାହୀଙ୍କ ହୃଦଘାତରେ ଦେହାନ୍ତ ହୋଇଯାଇଛି । ଯାହାକି ରାଜ୍ୟ ସାମ୍ବାଦିକ ଜଗତରେ ଶୋକର ଛାୟା ଖେଳାଇ ଦେଇଛି । ଜଣେ ମୃଦୁଭାଷୀ, ମେଳାପୀ ଓ ଦକ୍ଷ ଭିଡ଼ିଓ ଜର୍ଣ୍ଣାଲିଷ୍ଟ ଭାବେ ପରିଚିତ ଥିବା ସୁବୋଧଙ୍କ ସ୍ମୃତି ଉଦେଶ୍ୟରେ ଭୁବନେଶ୍ୱରର କାର୍ଯ୍ୟରତ ସାମ୍ବାଦିକମାନଙ୍କ ପକ୍ଷରୁ ସ୍ମୃତିଚାରଣ କରାଯାଇଛି । ସ୍ଥାନୀୟ ଭବନ ନିକଟରେ ଆୟୋଜିତ ସଭାରେ ଭିଡ଼ିଓ ଜର୍ଣ୍ଣାଲିଷ୍ଟ, ଫୋଟୋ ଜର୍ଣ୍ଣାଲିଷ୍ଟ ଓ ସାମ୍ବାଦିକ ବନ୍ଧୁମାନେ ଯୋଗ ଦେଇ ତାଙ୍କର ସ୍ମୃତିଚାରଣ କରିବା ସହ ଅମର ଆତ୍ମାର ସଦ୍ଗତି ନିମନ୍ତେ ପାର୍ଥନା କରିଛନ୍ତି । ଏଥିସହିତ ସରକାର ଓ ସେ କାର୍ଯ୍ୟ କରୁଥିବା ନିଉଜ ୭ର ମୁଖ୍ୟଙ୍କ ନିକଟରେ ତାଙ୍କ ପରିବାରର ସହାୟତା ନିମନ୍ତେ ଅନୁରୋଧ କରିଛନ୍ତି ।
