ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିର୍ବାଚନ ମଣ୍ଡଳୀ ଝାରବନ୍ଧ ବ୍ଲକ ବିଲାସପୁର ଗ୍ରାମ ପଞ୍ଚାୟତ ବିଲାସପୁର ଗ୍ରାମଠାରେ ଆଜି ମଙ୍ଗଳବାର ଦିନ ଝାରବନ୍ଧ ମଣ୍ତଳ ସ୍ତରୀୟ ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ବୈଠକ ଝାରବନ୍ଧ ବ୍ଲକ ସାଂସଦ ପ୍ରତିନିଧି ହରିହର ସାହୁଙ୍କ ପରିଚାଳନାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ପୂର୍ବତନ ବିଧାୟକ ତଥା ରାଜ୍ୟ କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତ ଯୋଗଦେଇ ରାଜ୍ୟ ସରକାରର ଦୁର୍ନୀତି ଏବଂ ମା’ମାନଙ୍କୁ ସମ୍ମାନର ନାରା ଦେଉଥିବା ନାରୀ ନିର୍ୟ୍ୟାତନା, ଅତ୍ୟାଚାର ଶାସନ ବିରୁଦ୍ଧରେ ଗର୍ଜ୍ଜନ କରିଥିଲେ । ପଞ୍ଚାୟତ ନିର୍ବାଚନରେ ନିଜ ନିଜ ପଞ୍ଚାୟତରେ ବୈଠକ ମାନ କରି ଜଣେ ଲେଖାଏଁ ପ୍ରାର୍ଥୀ ଚୟନ କରିବାକୁ ପରାମର୍ଶ ଦେଇଥିଲେ । ବୈଠକରେ ବରିଷ୍ଠ ନେତା ଦୁର୍ଗାପ୍ରସାଦ ଅଗ୍ରୱାଲ, ମାନଭଞ୍ଜନ ମିର୍ଦ୍ଧା, ଝାରବନ୍ଧ ମଣ୍ତଳ ସଭାପତି ମିଳନ ପାଣ୍ଡେ, ଜଗଦଲପୁର ମଣ୍ତଳ ସଭାପତି ହରେକୃଷ୍ଣ ପଟେଲ, ଜିଲ୍ଲା ପରିଷଦ ସଦସ୍ୟା କୁମୁଦିନୀ ସାହୁ, ଯୁବ ମୋର୍ଚ୍ଚା ସଭାପତି ସତ୍ୟମ ପ୍ରଧାନ, ଜୟ ନିଗମ ସାହୁ, ବଂଶୀଧର ନାୟକ, ମୋହିତ ତାଣ୍ତି, ସାମନ୍ତ ଶେଖର ସୁନା, ବିନୋଦ ସାହୁ, ଧନଞ୍ଜୟ ସାହୁ, ଲଗ୍ନୁ ଦିପ, କିଶୋର ଦୀପ, ଗମ୍ଭୀର ବାଗ, ନାରୀନେତ୍ରୀ ରମ୍ଭା ପଟେଲ ପ୍ରମୁଖ ଉପସ୍ଥିତ ଥିଲେ । ପ୍ରତ୍ୟେକ ପଞ୍ଚାୟତରୁ ଶତାଧିକ କାର୍ଯ୍ୟକର୍ତ୍ତା ଯୋଗଦାନ କରିଥିଲେ । ଆଜିର ବୈଠକରେ ବହୁଜନ ସମାଜ ପାର୍ଟି ଜିଲ୍ଲା ପରିଷଦ ପ୍ରାର୍ଥୀ କମଳ ରାଉତ, କଂଗ୍ରେସ ପଞ୍ଚାୟତ ସଭାପତି ଦଣ୍ଡଧର ଭୋଇ, ନାରାୟଣ ବେହେରା, ଡୋଲାମଣି ନାୟକ, ଅନିରୁଦ୍ଧ ଭୋଇ, ପଦ୍ମନ ରଣା, ଭଗତରାମ ଡୁଡକା, ମୁଣ୍ତାଲାଲ ନାଏକ ଭାରତୀୟ ଜନତା ପାର୍ଟିରେ ଯୋଗଦାନ କରିଥିଲେ । ପୂର୍ବତନ ବିଧାୟକ ଶ୍ରୀ ପୁରୋହିତ ସମସ୍ତଙ୍କୁ ଫୁଲ ଓ ଉତ୍ତରୀୟ ଦେଇ ପାର୍ଟିରେ ସ୍ୱାଗତ ସମ୍ବର୍ଦ୍ଧନା କରିଥିଲେ । ଶେଷରେ ବିଜେପି ଓବିସି ମୋର୍ଚ୍ଚା ମଣ୍ତଳ ସଭାପତି ସାଇଁଧର ପାଣ୍ତେ ଧନ୍ୟବାଦ ଅର୍ପଣ କରିଥିଲେ ।