ଭୁପେନ୍ଦ୍ର ଭାଇ ପଟେଲ ଆଜି ସିଏମ୍ ଭାବେ ଶପଥ ଗ୍ରହଣ କରିବେ : ଅମିତ ଶାହାଙ୍କ ସମେତ ଅନେକ ରାଜ୍ୟର ମୁଖ୍ୟମନ୍ତ୍ରୀ ଉପସ୍ଥିତ ରହିବେ
ଗୁଜୁରାଟ : ଭୁପେନ୍ଦ୍ର ଭାଇ ପଟେଲ ଗୁଜୁରାଟର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ । ଗାନ୍ଧୀନଗରରେ ବିଜେପି ବିଧାୟକ ଦଳର ବୈଠକ ପରେ ଏହି ନିଷ୍ପତ୍ତି ନିଆଯାଇଛି । ଭୁପେନ୍ଦ୍ର ଭାଇ ପଟେଲ ଆଜି ମଧ୍ୟାହ୍ନ ୨.୨୦ରେ ରାଜଭବନ ଲନ୍ରେ ଗୁଜୁରାଟର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ, ଯେଉଁଠାରେ ୧୦୦୦ ଲୋକଙ୍କ ଉପସ୍ଥିତି ପାଇଁ ବ୍ୟବସ୍ଥା କରୁଛନ୍ତି । ମୁଖ୍ୟମନ୍ତ୍ରୀ କେବଳ ସୋମବାର ଶପଥ ଗ୍ରହଣ କରିବେ । ଅମିତ ଶାହା ଭୁପେନ୍ଦ୍ର ପଟେଲଙ୍କ ଶପଥ ଗ୍ରହଣ ସମାରୋହରେ ମଧ୍ୟ ଯୋଗଦେବେ । ସୋମବାର ଗୁଜରାଟର ଗାନ୍ଧୀନଗରରେ ଅନୁଷ୍ଠିତ ହେବାକୁ ଥିବା ଭୁପେନ୍ଦ୍ର ଭାଇ ପଟେଲଙ୍କ ଶପଥ ଗ୍ରହଣ ସମାରୋହରେ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଏବଂ ମଧ୍ୟପ୍ରଦେଶର ସିଏମ୍ ଶିବରାଜ ସିଂ ମଧ୍ୟ ଯୋଗଦେବେ ।
ଏହାପୂର୍ବରୁ ରବିବାର ସନ୍ଧ୍ୟାରେ ଗୁଜୁରାଟର ନୂତନ ମୁଖ୍ୟମନ୍ତ୍ରୀ ଭୁପେନ୍ଦ୍ର ଭୋଇ ପଟେଲ ରାଜ୍ୟପାଳ ଆଚାର୍ଯ୍ୟ ଦେବବ୍ରତଙ୍କୁ ଭେଟିଥିଲେ । ଭୁପେନ୍ଦ୍ର ଭାଇ ପଟେଲଙ୍କ ସହ ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୁପାଣୀ ଏବଂ ରାଜ୍ୟ ସଭାପତି ସିଆର୍ ପାଟିଲ ଉପସ୍ଥିତ ଥିଲେ । ରାଜଭବନରେ ଭୁପେନ୍ଦ୍ର ଭାଇ ପଟେଲଙ୍କ ସହ କେନ୍ଦ୍ର ମନ୍ତ୍ରୀ ମନସୁଖ ମାଣ୍ଡଭିଆ, ପ୍ରହ୍ଲାଦ ଯୋଶୀ, ନରେନ୍ଦ୍ର ସିଂ ତୋମାରଙ୍କ ସମେତ ବିଜେପିର ବହୁ ବଡ ନେତା ଉପସ୍ଥିତ ଥିଲେ ।