ବାଲେଶ୍ୱର : ଦିନକୁ ଦିନ ବ୍ରାଉନସୁଗାର କାରବାର ବଢି ବଢି ଚାଲିଥିବା ବେଳେ ଆଜି ପୁଣି ବାଲେଶ୍ୱର ସହଦେବଖୁଣ୍ଟା ଅଞ୍ଚଳରୁ ୧ କେଜି ୩୬୦ ଗ୍ରାମ ବ୍ରାଉନସୁଗର ଜବତ ସହ ଦୁଇ ଜଣ ବେପାରୀଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ଏସଟିଏଫ୍ । ଯାହାର ଆନୁମାନିକ ମୂଲ୍ୟ ୧ କୋଟି ୩୬ ଲକ୍ଷ ଟଙ୍କା ହେବ । ଗିରଫ ଦୁଇ ଅଭିଯୁକ୍ତ ହେଲେ ବାଲେଶ୍ୱର ଅରଡ଼ବଜାର ଅଞ୍ଚଳର ମାନସ ମୁଖି ଓ ହରିପୁର ଅଞ୍ଚଳର କମଳାକାନ୍ତ ଦାସ ବୋଲି ଖବର ମଳିଛି । ସୂଚନା ଯୋଗ୍ୟ ଯେ, ବିଶ୍ୱସ୍ତ ସୂତ୍ରରୁ ଖବର ପାଇ ବାଲେଶ୍ୱର ସହଦେବଖୁଣ୍ଟା ଅଞ୍ଚଳରେ ରେଡ୍ କରିଥିଲା ଭୁବନେଶ୍ୱର ଏସଟିଏଫର ଗୋଟିଏ ଟିମ୍ । ଏତିକିବେଳେ ଦୁଇ ଅଭିଯୁକ୍ତଙ୍କ ପାଖରୁ ବିପୁଳ ପରିମାଣର ବ୍ରାଉନସୁଗର ଜବତ ହୋଇଛି । କୋଲକାତାରୁ ବ୍ରାଉନସୁଗର ଆଣି ସେମାନେ ବେପାର କରୁଥିବା ଜଣାପଡ଼ିଛି । ରାଜ୍ୟର କେଉଁ ସ୍ଥାନକୁ ଚାଲାଣ କରୁଥିଲେ ? ରାକେଟରେ ଆଉ କେଉଁମାନେ ସଂପୃକ୍ତ ? କିଏ ବ୍ରାଉନସୁଗର କାରବାରର ମାଷ୍ଟରମାଇଣ୍ଡ ସେନେଇ ଅଧିକ ଖୋଳତାଡ ଚାଲିଛି ।