ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଘଡ଼ଖାପଲା ପଞ୍ଚାୟତରେ ସରପଞ୍ଚ ଉପନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇଛି । ସୋମବାର ଥିଲା ପ୍ରାର୍ଥୀପତ୍ର ଦାଖଲର ଶେଷ ଦିନ । ଏହି ପଦ ପାଇଁ ୫ଜଣ ପ୍ରାର୍ଥୀପତ୍ର ଦାଖଲ କରିଛନ୍ତି । ୯ ତାରିଖ ଦିନ ପ୍ରାର୍ଥୀପତ୍ର ପ୍ରତ୍ୟାହାର ପାଇଁ ତାରିଖ ଧାର୍ୟ୍ୟ କରାଯାଇଛି । ୨୮ରେ ଭୋଟ୍ ଗ୍ରହଣ ହେବ । ସେହିପରି ୨୯ ତାରିଖ ଦିନ ଭୋଟ ଗଣନା ଓ ୩୦ ତାରିଖ ଦିନ ଫଳାଫଳ ଫଳାଫଳ ଘୋଷଣା କରାଯିବ ବୋଲି ଜଣାପଡ଼ିଛି । ସୂଚନା ଯୋଗ୍ୟ ଯେ, ଘୁଡ଼ଖାପଲା ପଞ୍ଚାୟତର ସରପଞ୍ଚ ଯୁଗେଶ୍ୱର ଦୀପଙ୍କ ଜାନୁଆରୀ ୫ ତାରିଖ ମଙ୍ଗଳବାର ସନ୍ଧ୍ୟାରେ ବିଷମକଟକ ସ୍ଥିତ ଡାକ୍ତରଖାନାରେ ପରଲୋକ ହୋଇଯାଇଥିଲା । ଦୀର୍ଘ ୩ ମାସ ହେଲା ଖାଲି ପଡ଼ିଥିବା ସରପଞ୍ଚ ପଦ ପୂରଣ ପାଇଁ ଆନୁଷ୍ଠାନିକ ଭାବେ ବିଜ୍ଞପ୍ତି ପ୍ରକାଶ ପାଇଥିଲା ।