ବରଗଡ଼, (କେପିଏନ୍ଏସ୍) : ଗାଇସିଲେଟ ବ୍ଲକ କଳାଙ୍ଗପାଲି ସାହୁ କଲ୍ୟାଣ ମଣ୍ଡପଠାରେ ନିରଞ୍ଜନ ପଣ୍ଡାଙ୍କର ସଭାପତିତ୍ୱରେ “ଘାଏ ଦେଖତ କଳାପଟା”ର ନୂଆଁଖାଇ ଭେଟ ଅନୁଷ୍ଠିତ ହୋଇଥିଲା । ସମ୍ପାଦକ ବୈରାଗୀ ସାହୁ ସମସ୍ତ କବିମାନଙ୍କୁ ଅଭିନନ୍ଦନ ଜଣାଇଥିଲେ । କୋରୋନା ମହାମାରୀ ଯୋଗୁଁ ଦୀର୍ଘ ୬ ମାସ ହେବ କୌଣସି କବି ସମ୍ବିଳନୀ ଅନୁଷ୍ଠିତ ହୋଇନଥିଲା । କରୋନା କଟକଣା ସତ୍ତ୍ୱେ ସମସ୍ତେ ସାମାଜିକ ଦୂରତା ରକ୍ଷାକରି ନୂଆଁଖାଇକୁ ନେଇ ଭିନ୍ନ ଭିନ୍ନ କବିତା ଆବୃତ୍ତି କରିଥିଲେ । କୋଶଲ ଭଞ୍ଜ କବି ଶ୍ରୀ ରସିକ ବେହେରା, ନାଟ୍ୟକାର ଆଦିତ୍ୟ ପଣ୍ଡା, ସମାଜସେବୀ ତଥା କବି ମୁକେଶ କୁମାର ସାହୁ, ଗୋପାଳ ଚନ୍ଦ୍ର ସାହୁ, ଅଶେଷ କୁମାର ଦାଶ, ଯଦୁମଣି ସାହୁ ପ୍ରମୁଖ କବି ବୃନ୍ଦ ଯୋଗ ଦେଇଥିଲେ । ଶେଷରେ ରୁକ୍ମଣ ଦିଶ୍ରୀ ଧନ୍ୟବାଦ ଦେଇଥିଲେ ।