ଜଣେ ୧୨ ବର୍ଷର ନାବାଳିକାକୁ ଗାତ ଖୋଳି ଘରେ ପୋତି ଦିଆଯାଇଥିଲା : ଗୋଟିଏ ସପ୍ତାହ ପରେ ଅଭିଯୁକ୍ତ ଶିମଲା ଠାରୁ ଗିରଫ
ବୁଲନ୍ଦଶାହର : ପଶ୍ଚିମ ଉତ୍ତରପ୍ରଦେଶର ବୁଲନ୍ଦଶାହର ଜିଲ୍ଲାର ଏକ ଗାଁରେ ଜଣେ ୧୨ ବର୍ଷର ନାବାଳିକା ୬ ଦିନରୁ ନିଖୋଜ ଥିଲା । ମଙ୍ଗଳବାର ସନ୍ଧ୍ୟାରେ ଝିଅଟିର ମୃତଦେହ ଗାଁର ଏକ ଘର ଭିତରେ ଏକ ଗର୍ତ୍ତରେ ପୋତି ହୋଇଥିବାର ଦେଖିବାକୁ ମିଳିଛି । ବୁଧବାର ସକାଳେ ହିମାଚଳ ପ୍ରଦେଶର ଶିମଲା ଠାରୁ ଅଭିଯୁକ୍ତକୁ ଗିରଫ କରାଯାଇଛି । ପୋଲିସ କହିଛି ଯେ, ୨୨ ବର୍ଷୀୟ ଅଭିଯୁକ୍ତର ନାମ ହରେନ୍ଦ୍ର । ସେ ଦିଲ୍ଲୀର ଜଣେ ଶ୍ରମିକ ଥିଲେ ଏବଂ ଯେଉଁଦିନ ସନ୍ଧ୍ୟାରେ ଝିଅଟି ନିଖୋଜ ହୋଇଯାଇଥିଲେ, ସେଦିନ ସେ ଘରେ ଥିଲା ।
ବୁଲନ୍ଦଶାହର ଜିଲ୍ଲା ମାଜିଷ୍ଟ୍ରେଟ ରବିନ୍ଦ୍ର କୁମାର ମଙ୍ଗଳବାର ଗଣମାଧ୍ୟମକୁ କହିଛନ୍ତି, ‘ଲାଗୁଛି ଯେ ଝିଅକୁ ହତ୍ୟା କରାଯାଇଛି । ଯୌନ ଶୋଷଣର ସମ୍ଭାବନାକୁ ମଧ୍ୟ ଏଡ଼ାଇ ଦିଆଯାଇ ପାରିବନାହିଁ । ଆମେ କଠୋର କାର୍ୟ୍ୟାନୁଷ୍ଠାନ ଗ୍ରହଣ କରିବୁ ।
ଫେବୃଆରୀ ୨୫ ସନ୍ଧ୍ୟାରେ ଝିଅଟି ନିଜ ପରିବାର ସହିତ କ୍ଷେତରେ କାମ କରୁଥିଲା ବୋଲି ବୁଲନ୍ଦଶାହର ପୋଲିସ କହିଛି । ଯେତେବେଳେ ସେ ଶୋଷିଲା ଅନୁଭବ କରିଛି, ସେ ପରିବାର ଲୋକଙ୍କୁ କହିଥିଲେ ଯେ ସେ ପାଣି ପିଇବାକୁ ଯାଉଛନ୍ତି ।
ବୁଲନ୍ଦଶାହର ପୋଲିସ ମୁଖ୍ୟ ସାନ୍ତୋଷ କୁମାର ସିଂ ଗଣମାଧ୍ୟମକୁ କହିଛନ୍ତି, ଫେବୃଆରୀ ୨୮ରେ ତାଙ୍କ ନିଖୋଜ ସମ୍ପର୍କରେ ପରିବାର ଲୋକେ ଅଭିଯୋଗ କରିଥିଲେ । ସେ ତାଙ୍କ ମା’ ଏବଂ ଦୁଇ ଭଉଣୀଙ୍କ ସହ କ୍ଷେତରେ କାମ କରୁଥିଲେ । ଯେଉଁଠୁ ମୃତଦେହ ଉଦ୍ଧାର କରାଯାଇଛି, ସେହି ସ୍ସ୍ଥାନ ଘରଠାରୁ ପ୍ରାୟ ୧୦୦ ମିଟର ଦୂରରେ ସେମାନେ କାମ କରୁଥିବା କ୍ଷେତଗୁଡିକ ଥିଲା ।
ଏହା ସାଙ୍ଗରେ ଶ୍ରୀ ସିଂ କହିଛନ୍ତି, ସେ ପାଣି ପିଇବାକୁ ଘରକୁ ଯାଇଥିଲେ । କିନ୍ତୁ ଯେତେବେଳେ ସେ ଫେରି ନଥିଲେ, ଭଉଣୀ ତାଙ୍କୁ ଡାକିବାକୁ ଯାଇଥିଲେ । କିନ୍ତୁ ସେ ସେଠାରେ ତାଙ୍ଙ୍କୁ ପାଇଲେ ନାହିଁ । ଏହା ପରେ ତାଙ୍କୁ ଖୋଜାଖୋଜି ଆରମ୍ଭ ହୋଇଥିଲା ।
ପୋଲିସ ଅଧିକାରୀ ଏହା ମଧ୍ୟ କହିଛନ୍ତି, ସନ୍ଧ୍ୟାରେ ସେ ସମାନ ଜାଗାରେ ପହଞ୍ଚି ଦେଖିଲେ ଯେ ସେଠାରେ ଜଣେ ମଦ୍ୟପ ବ୍ୟକ୍ତି ସେଠାରେ ଉପସ୍ଥିତ ଥିଲେ । କିନ୍ତୁ ଝିଅଟିକୁ ମିଳି ନଥିଲା । ଫେବୃଆରୀ ୨୮ରେ ପୋଲିସ ନିକଟରେ ଅଭିଯୋଗ ଦାଖଲ କରିବା ପୂର୍ବରୁ ଘର ଲୋକେ ୨-୩ ଦିନ ଧରି ଖୋଜାଖୋଜି କରିଥିଲେ ।
ସେ କହିଛନ୍ତି, ଯେତେବେଳେ ସ୍ଥାନୀୟ ଲୋକମାନେ ପୋଲିସ ସହିତ ଝିଅକୁ ଖୋଜିବା ଆରମ୍ଭ କଲେ, ସେମାନେ ଏକ ଘର ଭିତରେ ଗୋଟିଏ ଚିହ୍ନ ଦେଖିଲେ, ଯେଉଁଠାରେ ଏକ ଗର୍ତ୍ତ ଖୋଳାଯାଇଥିଲା । ଯେତେବେଳେ ତାହା ଖୋଳା ଯାଇଥିଲା, ସେତେବେଳେ ଝିଅର ମୃତଦେହ ମିଳିଥିଲା । ପୋଲିସ ପକ୍ଷରୁ ଅନୁସନ୍ଧାନ ଜାରି ରହିଥିବା କୁହାଯାଇଛି ।