ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ବ୍ଲକ ଅନ୍ତର୍ଗତ ମିଠାପାଲି ଗ୍ରାମର ସମାଜସେବୀ ଭରତ ଚନ୍ଦ୍ର ସାହୁଙ୍କ ସହଧର୍ମିଣୀ ସୀତା ସାହୁ ଆଉ ନାହାନ୍ତି । ଦୀର୍ଘ ଦିନ ଧରି ସେ ଯକୃତ ରୋଗରେ ପୀଡିତ ଥିଲେ । ତାଙ୍କ ଅନ୍ତ୍ୟେଷ୍ଟି ସଂସ୍କାର ବୈଦିକ ରୀତି ଅନୁସାରେ ପଣ୍ଡିତ ହରିଶ୍ଚନ୍ଦ୍ର ପଟେଲ ଏବଂ ପ୍ରିୟବ୍ରତ ଆର୍ୟ୍ୟଙ୍କ ସହଯୋଗରେ ସମ୍ପନ୍ନ କରାଯାଇଥିଲା । ତାଙ୍କ ସୁପୁତ୍ର ଦ୍ୱୟ ମୁଖାଗ୍ନୀ ଦେଇଥିଲେ । ଏ ଭଳି ଦୁଃଖଦ ସମୟରେ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ଆସି ଶୋକାକୂଳ ପରିବାରକୁ ସମବେଦନା ଜଣାଇଥିଲେ । ସୀତା ସାହୁ ଜଣେ ଧର୍ମପରାୟଣା ତଥା ସୁଗୃହିଣୀ ଥିଲେ । ତାଙ୍କ ଅକାଳ ମୃତ୍ୟୁରେ ପାଇକମାଲ ଅଞ୍ଚଳରେ ଶୋକର ଛାୟା ଖେଳିଯାଇଛି ।
