ଜଳେଶ୍ୱର : ରାଇବଣିଆ ଥାନା ଅନ୍ତର୍ଗତ ଗୋପାଳପ୍ରସାଦ ଛକ ନିକଟରେ ଗୁରୁବାର ଟ୍ରାକ୍ଟର ଓଲଟି ଡ୍ରାଇଭରର ମୃତ୍ୟୁ ଘଟିଛି । ପଶ୍ଚିମବଙ୍ଗରୁ ଇଟା ନେବାକୁ ଆସିଥିବା ଏକ ଟ୍ରାକ୍ଟରଟି ଓଲଟି ପଡ଼ିଥିଲା । ଫଳରେ ଡ୍ରାଇଭର ଟ୍ରାକ୍ଟର ତଳେ ଚାପି ରହିଯାଇଥିବା ବେଳେ ଘଟଣା ସ୍ଥଳରେ ହିଁ ଡ୍ରାଇଭରଙ୍କ ମୃତ୍ୟୁ ହୋଇଥିଲା । ରାଇବଣିଆ ପୁଲିସ ଜେସିବି ସାହାଯ୍ୟରେ ମୃତ ଡ୍ରାଇଭରକୁ ଟ୍ରାକ୍ଟର ତଳୁ ବାହାର କରିଥିଲେ । ମୃତ ଡ୍ରାଇଭରଙ୍କ ନାମ ସଞ୍ଜୟ ମହାକୁଡ଼ (୨୬) । ମୃତ ଡ୍ରାଇଭର ଘର ପଶ୍ଚିମବଙ୍ଗ ରାଜ୍ୟର ନୟାଗ୍ରାମ ଥାନା ଅଧୀନ ଚକଝରିଆ ଗ୍ରାମରେ । ଏହି ଦୁର୍ଘଟଣା ସମ୍ପର୍କରେ ରାଇବଣିଆ ଥାନାରେ ନଂ ୯/୨୧ ମୂଳେ ଅପମୃତ୍ୟୁ ମାମଲା ରୁଜୁ ହୋଇଛି । ଟ୍ରାକ୍ଟରଟି ନମ୍ବର ବିହୀନ ବୋଲି ପୁଲିସ ସୂତ୍ରରୁ ପ୍ରକାଶ ପାଇଛି ।