ପଦ୍ମପୁର, (ନିରୋଜ କୁମାର ପାଣୀ) : ସହରର ଜଣାଶୁଣା ପଣ୍ଡିତ ତଥା ଚଣ୍ଡୀ ପାଠକ ନରେଶ ମିଶ୍ରଙ୍କ ପିତା ସୁଦର୍ଶନ ମିଶ୍ରଙ୍କ ୯୨ ବର୍ଷ ବୟସରେ ମହାନ୍ତିପଡ଼ା ବାସଭବନରେ ପରଲୋକ ହୋଇଯାଇଛି । ସେ ଜଣେ ଅତ୍ୟନ୍ତ ସରଳ, ଅମାୟିକ, ଧର୍ମପରାୟଣ ବ୍ୟକ୍ତି ଥିଲେ । ଭେଡେନ ଥାନା ସିଆଳଖଣ୍ଡହଥା ପଞ୍ଚାୟତ କୁମୁରାପାଲି ତାଙ୍କ ପୈତୃକ ଗ୍ରାମ । ଶିକ୍ଷକତାରୁ ତାଙ୍କ କର୍ମମୟ ଜୀବନ ଆରମ୍ଭ କରି ଡୁଙ୍ଗୁରିପାଲି ବ୍ଲକ ସୁଖା ଗ୍ରାମରେ ଶିକ୍ଷକ ଭାବେ ତିନି ବର୍ଷ ରହିଥିଲେ । ପ୍ରାୟ ୭୦ ବର୍ଷ ତଳେ ସେ ବରଗଡ଼ ଆସି ଏକ ବ୍ୟବସାୟିକ ଅନୁଷ୍ଠାନ ସୁରେଶ ଟବାକୋରେ ମୁଖ୍ୟକିରାଣୀ ଚାକିରୀରେ ଯୋଗ ଦେଇଥିଲେ । ସେ ତାଙ୍କ ପଛରେ ଦୁଇପୁଅ ହରିଶ ଓ ନରେଶ, ଦୁଇ ପୁତ୍ରବଧୂ ମାମି ଓ ସୁମି, ତିନି ଝିଅ ସଞ୍ଜୁ, ମଞ୍ଜୁ ଓ ଗୀତାଙ୍କୁ ଛାଡି ଯାଇଛନ୍ତି । ଶୁକ୍ରବାର ଜୀରାନଦୀ କୂଳ ସ୍ଵର୍ଗଦ୍ଵାରରେ ପାର୍ଥିବ ଶରୀରର ଅନ୍ତିମ ସତ୍କାରରେ ସହରର ବହୁ ମାନ୍ୟଗଣ୍ୟ ବ୍ୟକ୍ତି ସାମିଲ ହୋଇ ଶ୍ରଦ୍ଧାଞ୍ଜଳି ଜଣାଇଥିଲେ । ଜ୍ୟେଷ୍ଠ ପୁତ୍ର ହରିଶ ମିଶ୍ର ମୁଖାଗ୍ନି ଦେଇଥିଲେ ।
Prev Post