ରାଉରକେଲା, (ସସ୍ମିତା ପ୍ରଧାନ) : ୪୭ ତମ ବାର୍ଷିକ ଉତ୍ସବ ପାଇଁ ଭାରତୀୟ ଯୁବ ହଷ୍ଟେଲ, ରାଉରକେଲା ଶାଖା ତରଫରୁ ବିଭିନ୍ନ ପ୍ରତିଯୋଗିତା ମାନ ଆୟୋଜନ କରିବାକୁ ଯାଉଛି । ଏଥିପାଇଁ ହଷ୍ଟେଲ ପକ୍ଷରୁ ସୂଚନା ଦିଆଯାଇ କୁହାଯାଇଛି ଯେ ଆସନ୍ତା ୩୦ ତାରିଖ ରବିବାର ଦିନ ସେକ୍ଟର ୬ ତାରା ତାରିଣୀ ମନ୍ଦିରଠାରେ ଏକ ବେସ କ୍ୟାମ୍ପ କରାଯାଇଛି । ଏହି କ୍ୟାମ୍ପରେ ହାଇସ୍କୁଲ ଓ କଲେଜର ଛାତ୍ରଛାତ୍ରୀମାନେ ସକାଳ ୭ ଟା ମଧ୍ୟରେ ଯୋଗଦେଇ ପାହାଡ ଚଢିବେ । ସେହିପରି ଅପରାହ୍ନ ୩ ଟାରେ ସେକ୍ଟର ୩, ସ୍ଥିତ ଯୁବ ହଷ୍ଟେଲ କାର୍ଯ୍ୟାଳୟ ବି/୩୫ ଠାରେ ରଙ୍ଗୋଲି ପ୍ରତିଯୋଗିତା ଗ୍ରୁପ ଏ ରେ ବିଦ୍ୟାଳୟ, ଗ୍ରୁପ ବି ରେ ଯୁକ୍ତ ଦୁଇରୁ ଉର୍ଦ୍ଧ ଓ ଗ୍ରୁପ ସି ରେ ମହିଳାମାନେ ଅଂଶଗ୍ରହଣ କରିପାରିବେ । ଆସନ୍ତା ଡିସେମ୍ବର ମାସ ୭ ତାରିଖ ଦିନ ସକାଳ ୭ଟାରେ ସାଇକ୍ଲିଂ ପ୍ରତିଯୋଗିତା ସେକ୍ଟର ୨ ବିଜୁ ପଟ୍ଟନାୟକ ଛକରୁ ରିଂ ରୋଡ ହୋଇ ସ୍ପେଶ ଛକ ଓ ପୁଣି ସେଠାରୁ ଫେରିବ । ଏଥିରେ ସପ୍ତମ ରୁ ଦଶମ, ଯୁକ୍ତ ଦୁଇ ରୁ ଉର୍ଦ୍ଧ ଛାତ୍ରଛାତ୍ରୀମାନେ ଅଂଶଗ୍ରହଣ କରିପାରିବେ । ସେହିପରି ପେଣ୍ଟିଂ ପ୍ରତିଯୋଗିତା ଅପରାହ୍ନ ୩ ଟାରେ ଯୁବ ହଷ୍ଟେଲ ପରିସରରେ ଅନୁଷ୍ଠିତ ହେବ । ଏଥିରେ ବିଭିନ୍ନ ଗ୍ର୍ରୁପ ଯଥା ଦ୍ୱିତୀୟରୁ ଚତୁର୍ଥ, ପଞ୍ଚମରୁ ସପ୍ତମ, ଅଷ୍ଟମରୁ ଦଶମ ଓ ଯୁକ୍ତ ଦୁଇରୁ ଉର୍ଦ୍ଧ ଛାତ୍ରଛାତ୍ରୀମାନେ ଅଂଶଗ୍ରହଣ କରିପାରିବେ । ସେହିପରି ଡିସେମ୍ବର ୧୪ ତାରିଖରେ ମାରାଥନ୍ ପ୍ରତିଯୋଗିତା ସକାଳ ୭ ଟାରେ ସେକ୍ଟର ୨ ବିଜୁ ପଟ୍ଟନାୟକ ଛକଠାରୁ ୭/୧୭ ଆମ୍ବେଦକର ଛକ ପର୍ଯ୍ୟନ୍ତ କରାଯିବ । ଏଥିରେ ହାଇସ୍କୁଲ ଓ କଲେଜ ସ୍ତରର ଛାତ୍ରଛାତ୍ରୀମାନେ ଅଂଶଗ୍ରହଣ କରିପାରିବେ । ସେହିଦିନ ପୂର୍ବାହ୍ନ ୧୧ ଟାରେ ସାଧାରଣ ଜ୍ଞାନ (କୁଇଜ୍) ପ୍ରତିଯୋଗିତା ସେକ୍ଟର ୫ ସ୍ଥିତ ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟ ଓ ଅପରାହ୍ନ ୩ ଟାରେ ସେକ୍ଟର ୩ ସ୍ଥିତ ଯୁବ ହଷ୍ଟେଲ କାର୍ଯ୍ୟାଳୟଠାରେ ସଂଗୀତ ପ୍ରତିଯୋଗିତା କରାଯିବ । ଏଥିରେ ପଞ୍ଚମରୁ ସପ୍ତମ, ଅଷ୍ଟମରୁ ଦଶମ, ଯୁକ୍ତ ଦୁଇରୁ ଉର୍ଦ୍ଧ ଛାତ୍ରଛାତ୍ରୀମାନେ ଅଂଶଗ୍ରହଣ କରିପାରିବେ । ସେହିପରି ଆସନ୍ତା ଜାନୁଆରୀ ମାସ ୧୧ ତାରିଖ ରବିବାର ଦିନ ସିଭିକ ସେଣ୍ଟରଠାରେ ପୂର୍ବାହ୍ନ ୧୧ଟାରେ ନୃତ୍ୟ ପ୍ରତିଯୋଗିତା ଆୟୋଜନ କରାଯିବ । ଏହି ପ୍ରତିଯୋଗିତାରେ ବିଭିନ୍ନ ବିଭାଗ ଯଥା ପଞ୍ଚମରୁ ଦଶମ ଓ ଯୁକ୍ତ ଦୁଇରୁ ଉର୍ଦ୍ଧ ଛାତ୍ରଛାତ୍ରୀ ଅଂଶଗ୍ରହଣ କରିପାରିବେ । ସମସ୍ତଙ୍କୁ ୪ ମିନିଟ ସମୟ ଧାର୍ଯ୍ୟ କରାଯାଇଛି । ସୂଚନାଯୋଗ୍ୟ ଯେ ଅଂଶ ଗ୍ରହଣକାରୀଙ୍କ ପାଇଁ ୫୦ଟଙ୍କା ଦେୟ ମୂଲ୍ୟ ରଖାଯାଇଛି । ସେହିପରି ସେହି ୧୧ତାରିଖ ଦିନ ସନ୍ଧ୍ୟା ୬ ଟାରେ ସିଭିକ ସେଣ୍ଟର ଠାରେ ବାର୍ଷିକୋତ୍ସବ ପାଳନ କରାଯାଇ ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ପ୍ରତିଯୋଗିଙ୍କୁ ପୁରସ୍କୃତ କରାଯିବାର କାର୍ଯ୍ୟକ୍ରମ ରହିଛି । ଏସମ୍ପର୍କରେ ସର୍ବିଶେଷ ଜାଣିବା ପାଇଁ ୯୪୩୭୦୮୪୩୮୪, ୯୯୩୭୩୬୮୮୩୬, ୯୪୩୯୦୩୦୯୪୨ କିମ୍ବା ୯୪୩୭୧୦୫୪୨୨ ନମ୍ବରରେ ଯୋଗାଯୋଗ କରିବା ପାଇଁ ଅନୁଷ୍ଠାନ ତରଫରୁ ଅନୁରୋଧ କରାଯାଇଛି ।
Prev Post