ସୁବର୍ଣ୍ଣପୁର, (ରାଜ କିଶୋର ତ୍ରିପାଠୀ) : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ସ୍ଥିତ ଡ଼. ରମେଶ ପ୍ରସାଦ ଡିଗ୍ରୀ ମହିଳା ମହାବିଦ୍ୟାଳୟ ଠାରେ ମହିଳା ସଶକ୍ତି କରଣ ଓ ମହିଳା ସୁରକ୍ଷା ସଚେତନତା ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସୁବର୍ଣ୍ଣପୁର ଜିଲ୍ଲା ପୋଲିସର ତତ୍ୱାବଧାନରେ ଏବଂ ସ୍ଵର୍ଣ୍ଣ ଶିଖା ଚେରିଟେବୁଲ ଟ୍ରଷ୍ଟର ସହଯୋଗରେ ଆୟୋଜିତ ଏହି ସଚେତନତା କାର୍ଯ୍ୟକ୍ରମକୁ ଜିଲ୍ଲା ଆରକ୍ଷୀ ଅଧିକ୍ଷକ ନାରାୟଣ ନାଏକ ମୁଖ୍ୟ ଅତିଥି ଭାବେ ଯୋଗ ଦେଇ ନାରୀ ସୁରକ୍ଷିତ ଓ ସଶକ୍ତି କରଣ ହେଲେ ଆମ ଦେଶ ସମୃଦ୍ଧିଶାଳୀ ହେବ ବୋଲି କହିଥିଲେ । ବକ୍ତା ଭାବରେ ବିନିକା ମହିଳା କଲେଜର ଅଧ୍ୟାପିକା ଜୟନ୍ତୀ ସାହୁ ଯୋଗଦେଇ ମହିଳା ମାନଙ୍କ ସୁରକ୍ଷା ଓ ମୌଳିକ ଅଧିକାର ଉପରେ ଆଲୋଚନା କରିଥିଲେ । ସମ୍ମାନିତ ଅତିଥି ଭାବରେ ଏସଡ଼ିପିଓ ହେମନ୍ତ ରାଓ, କଲେଜ ଅଧ୍ୟକ୍ଷ ରାଜୀବ ଲୋଚନ ବେହେରା, ସମାଜସେବୀ ଧର୍ମ ନିରଞ୍ଜନ ପଣ୍ଡା, ମଧୁମିତା ପରମଗୁରୁ, କଣ୍ଠଶିଳ୍ପୀ ଶାଶ୍ୱତ ତ୍ରିପାଠୀ ଯୋଗଦେଇ ମହିଳାଙ୍କୁ ସଚେତନ କରିଥିଲେ । ଏହି ଅବସରରେ ସାଇବର ଅପରାଧ ଉପରେ ଏକ ନାଟକ ପ୍ରଦର୍ଶିତ ହୋଇଥିଲା । ପରେ ଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ଓ ବିଭିନ୍ନ ପ୍ରତିଭା ମାନଙ୍କୁ ଅତିଥିଙ୍କ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା । ସସ୍ମିତା ତ୍ରିପାଠୀ ସଭା ସଂଯୋଜନା କରିଥିବା ବେଳେ କଲେଜର ସମସ୍ତ ଛାତ୍ରୀ ଉପସ୍ଥିତ ଥିଲେ ଏବଂ କଲ୍ୟାଣୀ ପାତ୍ର ଧନ୍ୟବାଦ ଦେଇଥିଲେ ।