
ସୁନ୍ଦରଗଡ଼ : ସୁନ୍ଦରଗଡ଼ ଜିଲ୍ଲା ବିଖ୍ୟାତ ପର୍ଯ୍ୟଟନ ସ୍ଥଳୀ କନାକୁଣ୍ଡ ନିକଟ ଇବ ନଦୀରେ ଭାସି ଯାଇଥିଲେ ଯୁବକ । ପ୍ରାୟ ୪୦ ଘଣ୍ଟା ପରେ ଯୁବକଙ୍କ ମୃତଦେହ ମାୟାବାହାଲ ଡୁଙ୍ଗାଘାଟ ନିକଟରୁ ଉଦ୍ଧାର କରାଯାଇଛି । ସୂଚନା ମୁତାବକ, ଗତ ବୁଧବାର ଦିନ ସମ୍ବଲପୁର ଜିଲ୍ଲା ବାମଡା ବ୍ଲକ ଅନ୍ତର୍ଗତ ଗୋବିନ୍ଦପୁର ଅଞ୍ଚଳରୁ ୩ ଜଣ ଯୁବକ ଇବ ନଦୀର କନାକୁଣ୍ଡକୁ ବୁଲିବା ପାଇଁ ଆସିଥିଲେ । ସେଠାରେ ପଥର ଇବ ନଦୀରେ ଗାଧୋଉଥିବା ବେଳେ ହଠାତ୍ ୨ ଯୁବକ ଭାସିଯାଇଥିଲେ । ସେମାନଙ୍କ ମଧ୍ୟରୁ ଜଣଙ୍କ ମୃତଦେହ ୪୦ ଘଣ୍ଟା ପରେ ମାୟାବାହାଲ ଡୁଙ୍ଗାଘାଟ ଠାରୁ ଉଦ୍ଧାର ହୋଇଥିବା ବେଳେ ଅନ୍ୟ ଜଣଙ୍କ ମୃତଦେହ ପ୍ରାୟ ୪୪ ଘଣ୍ଟା ପରେ କୁକୁରିଡିହି ବ୍ରିଜ ନିକଟରୁ ମିଳିଛି । ଉଦ୍ଧାର କାର୍ଯ୍ୟରେ ବାଲିଶଙ୍କରା ଓ ସବଡେଗା ଅଗ୍ନିଶମ ବିଭାଗ ମିଳିତ ଭାବେ ଚେଷ୍ଟା କରିଥିଲେ । ଘଟଣା ସମ୍ପର୍କରେ ସୂଚନା ପାଇ ତଳସରା ଥାନା ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ସୁନ୍ଦରଗଡ଼ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ଶବ ବ୍ୟବଛେଦ ପାଇଁ ବ୍ୟବସ୍ଥା କରିଛନ୍ତି ।