ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ସତସଙ୍ଗ ବିହାର ପରିସରରେରେ ପରମ ଆରାଧ୍ୟ ଜଗତଜନନୀ ବଡ଼ମାଁ ଙ୍କ ପୁଣ୍ୟ ୧୩୨ତମ ଜନ୍ମ ଦିବସ ମହୋତ୍ସବ ମହାସମାରୋହ ପାଳିତ ହୋଇଯାଇଛି । ଏହି ଉପଲକ୍ଷେ ବ୍ରହ୍ମ ମୁହୂର୍ତରେ ଉଷା କୀର୍ତନ, ସମବେତ ଉଷା ବିନତି, ଏବଂ ଗ୍ରନ୍ଥ ପାଠ, ଶୁଭ ଲଗ୍ନ ଘୋଷଣା ହୋଇଥିଲା । ସନ୍ଧ୍ୟାରେ ସତସଙ୍ଗ ଅନୁଷ୍ଠିତ ହୋଇଥିଲା । ସନ୍ଦ୍ୟା ବିନତି, ଭଜନ, କୀର୍ତନ ସହ ସଦ ଆଲୋଚନା ଅନୁଷ୍ଠିତ ହୋଇଥିଲା । ଠାକୁରଙ୍କ ଯାଜକ କର୍ମୀ ଇଂ ଗଜେନ୍ଦ୍ର ତାରାଇଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ବଡମାଁ ଙ୍କ ଜୀବନୀ ଆଦର୍ଶ ଓ ଠାକୁରଙ୍କ ସମାଜ ପାଇଁ ଦିଗଦର୍ଶନ ଉପରେ ଆଲୋଚନା ହୋଇଥିଲା । ଏହି କାର୍ଯ୍ୟକ୍ରମରେ ଗଞ୍ଜାମ ବ୍ଲକ ଓ ଏନ,ଏ,ସି ଅଞ୍ଚଳର ଗୁରୁ ଭାଇ ମାଁ ମାନେ ଉପସ୍ଥିତ ରହିଥିଲେ । ଏହି କାର୍ଯ୍ୟକ୍ରମଙ୍କୁ ଗୋବିନ୍ଦ ଦାସ, ଗଦାଧର ଦାସ, ଯୁଧିଷ୍ଠିର ନନ୍ଦ, ହରି ତରାଇ,ସୁରେନ୍ଦ୍ର ତରାଇ, ହିମାଂଶୁ, ସମେତ ଅନ୍ୟମାନେ ସହଯୋଗ କରିଥିଲେ ।