ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲାକୁ ମିଳିଲା ବଡ଼ ସଫଳତା । ରାୟପୁର ଠାରେ ଅନୁଷ୍ଠିତ ଜାତୀୟ ସ୍ତରୀୟ ପାୱାର ଲିଫ୍ଟିଙ୍ଗ୍ ପ୍ରତିଯୋଗତାରେ ବଲାଙ୍ଗିର ଜିଲ୍ଲାକୁ ମିଳିଛି ମୋଟ୍ ୧୬ଟି ପଦକ । ଜିଲ୍ଲାରୁ ପାୱାର ଲିଫ୍ଟିଙ୍ଗ୍ ଖେଳିବା ପାଇଁ ଯାଇଥିବା ଖେଳାଳୀ ମାନେ ୧୧ଟି ସ୍ୱର୍ଣ୍ଣ, ୩ଟି ରୌପ୍ୟ, ୨ଟି କାଂସ୍ୟ ପଦକ ଆଣି ଜିଲ୍ଲାର ନାଁ ରଖିଥିଲେ । ଏହା ସହ ଜାତୀୟ ସ୍ତରରେ ଭଲ ଖେଳିଥିବା ବଲାଙ୍ଗିର ପ୍ରଶାନ୍ତ ଦାଶ ଓ ଆଲୋକ ସାଗରଙ୍କୁ ଷ୍ଟ୍ରଙ୍ଗ ମେନ୍ ଭାବେ ଘୋଷଣା କରାଯାଇଥିଲା । ଅନ୍ୟପଟେ ଜିଲ୍ଲା ପାଇଁ ଗୌରବ ଆଣିଥିବା ଏହି ଖେଳାଳୀ ମାନଙ୍କୁ ବଲାଙ୍ଗିର ସହରର ଏମ୍ଏମ୍ ଫିଟ୍ନେସ୍ ପକ୍ଷରୁ ସମ୍ବର୍ଦ୍ଧନା ଦିଆଯାଇଥିଲା । ଏହି ସମୟରେ ଜିଲ୍ଲା ପାୱାର ଲିଫ୍ଟିଙ୍ଗ୍ ସଂଘର ପ୍ରଶାନ୍ତ ଦାଶ, ପ୍ରଶାନ୍ତ ମଟାରୀଙ୍କ ସହ ସଂଜୀବ ରଥ ମଧ୍ୟ ଉପସ୍ଥିତ ଥିଲେ ।