ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଅନ୍ତର୍ଗତ ବୁଡାମାଲ ପଂଚାୟତ ଭେଲୁଆପଦର ଗ୍ରାମର ସହଦେବ ସାହୁଙ୍କୁ ଆଜି ବରଗଡ଼ ସାଂସଦ ପ୍ରଦୀପ ପୁରୋହିତ ଉପଢୌକନ ଦେଇ ନିଜ ପାଇକମାଲ ସ୍ଥିତ ବାସ ଭବନରେ ସମ୍ମାନିତ କରିଥିଲେ । ଶ୍ରୀ ସାହୁ ଅନେକ ମଞ୍ଚରେ କଂସ, ରାବଣ ଓ ମୁରାସୁର ଭୂମିକାରେ ଅଭିନୟ କରି ଦର୍ଶକ ମାନଙ୍କର ମନକୁ ମୁଗ୍ଧ କରିଥାନ୍ତି । ସେ ରାଜ୍ୟ ତଥା ରାଜ୍ୟ ବାହାରେ ପାଖାପାଖି ୫୦ଟି ମଞ୍ଚରେ ଅଭିନୟ କରି ସାରିଛନ୍ତି । ତାଙ୍କ ସହିତ ପଶ୍ଚିମ ଓଡ଼ିଶାର ଯୁବ ନାଟ୍ୟକାର ତଥା ନିର୍ଦ୍ଦେଶକ ଲଲିତ ଜଗତ ଉପସ୍ଥିତ ଥିଲେ ।