ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଦୀପ୍ତିପୁର ଠାରେ ଜିଲ୍ଲା ସ୍ତରୀୟ କର୍ମୀ ସମ୍ମିଳନୀ ଓ ମାତୃ ପ୍ରକୋଷ୍ଠ ଉଦ୍ଘାଟିତ
ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଦୀପ୍ତିପୁର ଠାରେ ଜିଲ୍ଲା ସ୍ତରୀୟ କର୍ମୀ ସମ୍ମିଳନୀ ଓ ମାତୃ ପ୍ରକୋଷ୍ଠ ଉଦ୍ଘାଟିତ ହୋଇଯାଇଛି । ଏହି ଉଦ୍ଘାଟନୀ ଉତ୍ସବରେ ବରଗଡ ଜିଲ୍ଲାର ସମସ୍ତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ଅପାଭାଇ ଓ କର୍ମକର୍ତ୍ତା ଯୋଗ ଦେଇଥିଲେ । କର୍ଯ୍ୟକ୍ରମର ପ୍ରାରମ୍ଭରେ ଶ୍ରୀଅରବିନ୍ଦଙ୍କ ଫଟୋଚିତ୍ର ସମ୍ମୁଖରେ ଦୀପ ପ୍ରଜ୍ୱଳନ କରି ପୁଷ୍ପମାଲ୍ୟ ଅର୍ପଣ କରାଯାଇଥିଲା । ବରଗଡ ଜିଲ୍ଲା ସଂଗଠକ ମାତୃପ୍ରେମୀ ଡ. ଉପେନ୍ଦ୍ର ମହାପାତ୍ର ଯଥାର୍ଥ ଦିବ୍ୟକର୍ମ ସମ୍ବନ୍ଧରେ ଆଲୋକପାତ କରିବା ସଙ୍ଗେ ସଙ୍ଗେ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ପ୍ରତିଷ୍ଠାର ଉଦ୍ଦେଶ୍ୟ ସଂର୍ପକରେ ଦିଗଦର୍ଶନ ପ୍ରଦାନ କରିଥିଲେ । ପଦ୍ମପୁର ବ୍ଲକ ସଂଗଠନର ସଂଗଠକ ପ୍ରମୋଦ ଭୋଇ ଓ ସଂଗଠିକା ଆଲ୍ଲାଦିନୀ ଅପା ଶ୍ରୀଅରବିନ୍ଦଙ୍କ ଦଶକର୍ମଧାରା ବିଷୟରେ ଆଲୋଚନା କରିଥିଲେ । ଏହି ଅବସରରେ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ମାତୃ ପ୍ରକୋଷ୍ଠର ଶୁଭ ଉଦ୍ଘାଟନ ହୋଇଥିଲା । ଉକ୍ତ ସଭାରେ ମାତୃପ୍ରେମୀ ଚନ୍ଦ୍ରମଣୀ ସାହୁଙ୍କ ସଭାପତିତ୍ୱ କରିଥିବାବେଳେ ମାତୃପ୍ରେମୀ ନିର୍ମଳ ବାରିକ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ଶିକ୍ଷାକେନ୍ଦ୍ରର ସମସ୍ତ ଅପାଭାଇ, ଛାତ୍ରଛାତ୍ରୀ ଓ କର୍ମକତ୍ତାମାନେ ସହଯୋଗ କରିଥିଲେ ।