କଳାହାଣ୍ଡି, (ଶୁଭେନ୍ଦୁ କୁମାର ପଣ୍ଡା) : ଭବାନୀପାଟଣା ସଦର ଥାନା ଅନ୍ତର୍ଗତ ବାନ୍ଦୋପଲା ରିଲାଏନ୍ସ ପେଟ୍ରୋଲପମ୍ପ ନିକଟରେ ଅଜଣା ପିକ୍ଅପ୍ ଧକ୍କା ଦେବାରୁ ଦୁଇ ଜଣ ଗୁରୁତର ହୋଇଥିବା ବେଳେ ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ମୃତ ବ୍ୟକ୍ତିଜଣକ କୁମାରପଡା ନକଟିଗୁଡାର ରାହେମତୁଲ ଖାନ ବୋଲି ଜଣାପଡ଼ିଛି । ଅନ୍ୟ ଦୁଇ ଗୁରୁତର ଅଶୋକ ମହାରଣା, ମୁରଲୀ ହଂସ ଗୁରୁତର ହୋଇ ଭବାନୀପାଟଣା ମୁଖ୍ୟ ଚିିକିତ୍ସାଳୟରେ ଚିକିତ୍ସିତ ହେଉଛନ୍ତି । ଏନେଇ ଭବାନୀପାଟଣା ସଦର ଥାନା ପୁଲିସ୍ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ବେଳେ ଶବ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଦେଇଥିବା ଜଣାପଡ଼ିଛି । ଅନ୍ୟ ପଟେ ଧକ୍କା ଦେଇଥିବା ପିକ୍ଅପ୍ ଗାଡି ଦୁର୍ଘଟଣା ଘଟାଇ ଫେରାର ମାରିଛି । ସିସିଟିଭି ଫୁଟେଜ୍ରେ ଧକ୍କା ଦେଇଥିବା ଭିଡିଓ ସାମ୍ନାକୁ ଆସିଛି । ସଦର ପୋଲିସ ମାମଲା ରୁଜ୍ଜୁ କରି ତଦନ୍ତ ଜାରୀ ରଖିଛି ।