କଣ୍ଟାବାଞ୍ଜି, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ବେଲପଡା ଥାନା ଅନ୍ତର୍ଗତ ଉଡିଙ୍ଗ ଛକ ଠାରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିବା ଖବର ମଳିଛି । ଭାରସାମ୍ୟ ହରାଇ ଏକ କାର୍ ରାସ୍ତା କଡ଼ ଗଛରେ ପିଟି ହୋଇଥିବା ବେଳେ କାର୍ ଚାଳକ ଜଣକ ଗୁରୁତର ହୋଇଥିବା ସୂଚନା ମିଳିଛି । ଗୁରୁତର କାର୍ ଚାଳକ ଜଣକ ହେଉଛନ୍ତି କଣ୍ଟାବାଞ୍ଜିର ଆଦିତ୍ୟ ଅଗ୍ରୱାଲ । ସୂଚନା ଅନୁଗତ ଯେ, ଆଦିତ୍ୟ କାର୍ ଯୋଗେ ଗତ ବିଳମ୍ବିତ ରାତିରେ କଣ୍ଟାବାଞ୍ଜିରୁ ବେଲପଡ଼ା ଯିବା ରାସ୍ତାରେ ଯାଉଥିବା ବେଳେ ଭାରସାମ୍ୟ ହରାଇ ଏକ ଗଛରେ ତାଙ୍କ କାର୍ ଟି ପିଟି ହୋଇଥିଲା । ଆଉ ରାତି ସାରା ପଡି ରହିଥିଲା, ଖବର ପାଇ କଣ୍ଟାବାଞ୍ଜି ଅଗ୍ନିଶମ ବାହିନୀ ଓ ବେଲପଡା ପୋଲିସ ପହଂଚି ଆଦିତ୍ୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି କଣ୍ଟାବାଞ୍ଜି ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପାଇଁ ଭର୍ତ୍ତି କରଥିଲେ ପରେ ତାଙ୍କ ଅବସ୍ଥା ଅଧିକ ଗୁରୁତର ହେବାରୁ ତାଙ୍କୁ ଅନ୍ୟତ୍ର ସ୍ଥାନାନ୍ତରିତ କରାଯାଇଥିବା ଜଣାପଡ଼ିଛି । ଆଦିତ୍ୟଙ୍କ ମୁଣ୍ଡରେ ଓ ଗୋଡ଼ରେ ଅଧିକ ଆଘାତ ଲାଗିଥିବା ସୂଚନା ମିଳିଛି ।