କ୍ଲିନ୍ ଆଣ୍ଡ ଗ୍ରୀନ୍‌ର ଚତୁର୍ଥ ବାର୍ଷିକୋତ୍ସବ

ରାଉରକେଲା, (ସସ୍ମିତା ପ୍ରଧାନ) : ସ୍ୱଚ୍ଛତା ପ୍ରତି ପ୍ରତିବଦ୍ଧତା ଥିବା ସାମାଜିକ ଅନୁଷ୍ଠାନ କ୍ଲିନ୍ ଆଣ୍ଡ ଗ୍ରୀନ୍ ତରଫରୁ ଚତୁର୍ଥ ବାର୍ଷିକୋତ୍ସବ ସେକ୍ଟର ୫ ସ୍ଥିତ ଆଶୀର୍ବାଦ ମଣ୍ଡପ ଠାରେ ମହାସମାରୋହରେ ପାଳିତ ହୋଇଯାଇଛି । ଅନୁଷ୍ଠାନର ସଭାପତି ଡାକ୍ତର ଦେବେନ୍ଦ୍ର କୁମାର ସେଠୀଙ୍କ ସଭାପତିତ୍ୱ, ସାଧାରଣ ସମ୍ପାଦକ ପ୍ରଦୀପ କୁମାର ଦାସଙ୍କ ଆବାହକତ୍ଵ ଓ ସ୍ମିତା ମିଶ୍ରଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ସହର ସେବା ପ୍ରଶାସନର ମୁଖ୍ୟ ମହାପ୍ରବନ୍ଧକ ପ୍ରତାପ କୁମାର ସ୍ୱାଇଁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସେ ତାଙ୍କ ବକ୍ତବ୍ୟରେ କହିଲେ ଯେ, ସାମାଜିକ ପ୍ରତିବଦ୍ଧତା ଓ ସହରକୁ ସ୍ୱଚ୍ଛ ରଖୁଥିବା କ୍ଲିନ୍ ଆଣ୍ଡ ଗ୍ରୀନ୍‌ର କାର୍ଯ୍ୟକ୍ରମକୁ ଯେତେ ପ୍ରଶଂସା କଲେ ମଧ୍ୟ କମ୍‌ ହେବ । ସହରର ସ୍ୱଚ୍ଛତା ଯେପରି ଅକ୍ଷୁର୍ଣ୍ଣ ରହିବ ସେଥିପାଇଁ ଅନୁଷ୍ଠାନର ସମସ୍ତ ସଭ୍ୟଙ୍କୁ ସେ ନିବେଦନ କରିଥିଲେ । ସଭାପତି ଡ଼. ସେଠୀ ସଭାପତିତ୍ୱ ଅଭିଭାଷଣରେ ଅନୁଷ୍ଠାନର ଐକ୍ୟବଦ୍ଧତା ଓ ପ୍ରତିବଦ୍ଧତାକୁ ପ୍ରଶଂସା କରିବା ସହ ଆଗାମୀ ଦିନରେ ଏହା ବଜାୟ ରହିବ ବୋଲି ଆଶା ପ୍ରକଟ କରିଥିଲେ । ସାଧାରଣ ସମ୍ପାଦକ ଶ୍ରୀ ଦାସ ସମ୍ପାଦକୀୟ ବିବରଣୀ ପାଠ ସଭ୍ୟଙ୍କ ସହଯୋଗୀ ମନୋଭାବକୁ ପ୍ରଶଂସା କରିଥିଲେ । ପ୍ରାରମ୍ଭରେ ଅଶୋକ ପଟେଲ ଓ ଟିମ୍ ସ୍ୱାଗତ ସଂଗୀତ ପରିବେଷଣ କରିଥିବା ବେଳେ ଏହି ଅବସରରେ ସରୋଜ ମହାନ୍ତି, ସନ୍ତୋଷ ଦାସ, ଦେବ ପଟ୍ଟନାୟକ, ସହୃଦ ସେବା ସଂଘକୁ ସମ୍ମାନିତ କରାଯାଇଥିଲା । ଶେଷରେ ସଂଗଠନ ସଂପାଦକ ହିମାଂଶୁ ଶେଖର ମହାପାତ୍ର ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ କେ. ବି. ମିଶ୍ର, ଦୈତାରି ସାହୁ, ବିଭୁତି ଭୂଷଣ ବିଶ୍ୱାଳ, ଜ୍ଞାନଜିତ ଦାସ, ଏସ୍. ପାଢ଼ୀ, ଚନ୍ଦ୍ରକାନ୍ତ ନାୟକ, ପ୍ରଫୁଲ୍ଲ ପାତ୍ର, ବିନୋଦ ରାଉତ, ଅମିତ ରାୟ, ପ୍ରଦୀପ ରଥ, ପ୍ରଦୀପ ସ୍ୱାଇଁ, ଆୟୁଷ ସ୍ୱାଇଁ, ବାଦଲ ବାରିସାଲ, ମହାପ୍ରତାପ ସିଂ, ରାଜେନ୍ଦ୍ର ସାହୁ, ଗଦାଧର ସାହୁ, ଧିରେନ୍ଦ୍ର ଦାସ, ସାବିତ୍ରୀ ସାହୁ, ସନ୍ତୋଷ ସାମଲ, ବିଭୁତି ଭୂଷଣ ସାହୁ, ଶୁଭ୍ରଜିତ ବିଶ୍ୱାଳ, ରଞ୍ଜନ ଲେଙ୍କା, ନିରଜ ମିଶ୍ର, ସାଗର ପାଣି, ରାଜକିଶୋର ସାମଲ, ଜଗଦୀଶ ସାମଲ, ଦିଲୁ ମହାନ୍ତି, ପ୍ରକାଶ ଦାସ, ଅଶୋକ ପଟ୍ଟନାୟକ, ସୁଦୀପ୍ତ ଦତ୍ତ, ସୁମନ୍ତ ଉପାଧ୍ୟାୟ, ସତ୍ୟ ଦାସ, ଇନ୍ଦ୍ରଜିତ ସିଂ, ମୀନତି ବେହେରା, ଦୀପିକା ଦାସ, ଗୀତାଞ୍ଜଳି ନାୟକ, ଅପର୍ଣ୍ଣା ସାମଲ, ଦିନେଶ ସିଂ, ହେମନ୍ତ ବେହେରା, ମନୋଜ ନାୟକ, ଅକ୍ଷୟ ଜେନା, ରମେଶ ସାହୁ, ସାଗର ଦାସ, ପ୍ରଦୀପ୍ତ ଭୋଇ, ରାଧାମୋହନ ନାୟକ, ସୁଜିତ୍ ସାହୁ, ଅରବିନ୍ଦ ପାତ୍ର, ଦୈତାରି ଲେଙ୍କା, ସନ୍ତୋଷ ଲେଙ୍କା, ଅନ୍ତ ପଟ୍ଟନାୟକ, କୁଞ୍ଜବିହାରୀ ରାଉତ ପ୍ରମୁଖ ଉପସ୍ଥିତ ଥିଲେ ।