ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ରୁଗୁଡ଼ିପଡ଼ା ଉଚ୍ଚ ପ୍ରାଥମିକ ବିଦ୍ୟାଳୟରେ ‘ମୋ ସ୍କୁଲ ଅଭିଯାନ’ ପାଇଁ ପୁରାତନ ଛାତ୍ରଛାତ୍ରୀ ଓ ସ୍କୁଲ ଶିକ୍ଷୟତ୍ରୀମାନଙ୍କ ଉପସ୍ଥିତିରେ ଏକ ସଭା ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷୟତ୍ରୀ ମନ୍ଦାକିନୀ ଯୋଶୀଙ୍କ ଅଧ୍ୟକ୍ଷତାରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା । ସଭାରେ ମୋ ସ୍କୁଲ ଅଭିଯାନ ବିଷୟରେ ଆଲୋକପାତ କରି ସରକାରଙ୍କ ଆଭିମୁଖ୍ୟ ବନବିହାରୀ ସେଠ (ସିଆର୍ସିସି ରୁଗୁଡ଼ିପଡ଼ା କ୍ଲଷ୍ଟର) ଉପସ୍ଥାପନା କରିଥିଲେ । ଏହି ଅବସରରେ ଏକ କମିଟି ଚୟନ କାର୍ଯ୍ୟ ଉପସ୍ଥିତ ଛାତ୍ରଛାତ୍ରୀ ଓ ପ୍ରଧାନ ଶିକ୍ଷକଙ୍କ ଦ୍ୱାରା କରାଯାଇଛି । ଏଥିରେ ସଭାପତି ଭାବରେ ଚେତନାନନ୍ଦ ପଣ୍ଡା ଏବଂ ପରିଚାଳନା କମିଟିରେ ଶ୍ରୀମତୀ ମନ୍ଦାକିନୀ ଯୋଶୀ, ଲକ୍ଷ୍ମୀଦର ମହାରଣା, ବିଶ୍ୱଜିତ ନାୟକ, ପ୍ରଦୀପ ମହାନ୍ତି, ପ୍ରଦୀପ ପଟ୍ଟନାୟକ, ବିଭାସ ଚନ୍ଦ୍ର ଘଡେ଼ଇ, ନୟନ ମହାନ୍ତି ଓ ଶ୍ରୀମତୀ ରଂଜିତା ପାଣିଗ୍ରାହୀ ସାମିଲ୍ ହୋଇଥିଲେ । ସଭାରେ ପ୍ରଭାସ କୁମାର ପାଣିଗ୍ରାହୀ, ଶଶିଶେଖର ପଣ୍ଡା, ଚିତ୍ତରଂଜନ ଦାଶ, ହରିନାରାୟଣ ପୂଜାରୀ ତଥା ଅନ୍ୟ ଛାତ୍ରଛାତ୍ରୀ ମାନେ ଉପସ୍ଥିତ ରହି ନିଜ ନିଜର ମତାମତ ରଖିଥିଲେ । ପରିଶେଷରେ ରଂଜିତା ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ ।