ବ୍ରହ୍ମପୁର : ଗଞ୍ଜାମ ଜିଲ୍ଲାର ଗୋଳନ୍ଥରା ପୁଲିସକୁ ବଡ଼ ସଫଳତା । ଦୁଇଟି ହରିଣ ଶିଙ୍ଗ ସହ ୨ଟି ଦେଶୀ ବନ୍ଧୁକ ଜବତ କରିଛି । ଏଥିରେ ପୋଲିସ ୪ ଜଣଙ୍କୁ ଗିରଫ କରିବାରେ ସଫଳ ହୋଇଛି । କେବଳ ଏତିକି ନୁହେଁ ୬୫ ଏମ୍ଏମ୍ର୧୨୫ ଗୁଳି, ୨୦୦ ଟି ଖାଲି ଗୁଳି, ବାରୁଦ ୨୦୦ ଗ୍ରାମ, ୧୦ କେଜି ଓ ୨୫୦ ଗ୍ରାମ ଲିଡ ସ୍ଲିପଣ୍ଟର ବଲସ, ସ୍ଲିଣ୍ଟର ବଲ ପ୍ରସୃତ ୨ଟି ମେସିନ ସହ ଗୋଟିଏ ମୁଣ୍ଡରେ ବାନ୍ଧିବା ଟର୍ଚ୍ଚ ପୁଲିସ ଜବତ କରିଛି । ଗିରଫ ଅଭିଯୁକ୍ତମାନେ ହେଉଛନ୍ତି ସିଙ୍ଗାବାଡିର ଚିନା ଓରଫ ପୂର୍ଣ ଗୌଡ଼(୩୫), ମେଦିନୀପୁରର ଶଙ୍କର ପ୍ରଧାନ(୫୫), ଦିଗପହଣ୍ଡି ଥାନା ଅନ୍ତର୍ଗତ ବତଝରିର ଅଭି ଓରଫ ଭଳିଆ ମଲ୍ଲିକ(୪୦) ଓ କହ୍ନେଇପୁଟର ବୃନ୍ଦାବନ ମଲ୍ଲିକ (୪୫) ବୋଲି ପୁଲିସ ସୂଚନା ଦେଇଛି । ଚିନା ଏବଂ ଶଙ୍କର ପୂର୍ବରୁ ବହୁ ମାମଲାରେ ଗିରଫ ହୋଇଥିଲେ । ୨୦୨୧ ମସିହାରେ ପୁଲିସ ଟିମ ଆକ୍ରମଣ ଘଟଣାରେ ଚିନା ସମ୍ପୃକ୍ତ ଥିବା ବ୍ରହ୍ମପୁର ଏସ୍ପି ସୂଚନା ଦେଇଛନ୍ତି ।