ବଲାଙ୍ଗିର, (କେପିଏନ୍ଏସ୍) : ସିଆଲବାହାଲି ଉନ୍ନୀତ ଉଚ୍ଚ ବିଦ୍ୟାଳୟଠାରେ ଏକ ହସ୍ତକଳା ପ୍ରଦର୍ଶନୀ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷକ ସଂଜୟ କୁମାର ସତପଥୀଙ୍କ ଆବାହକତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଛାତ୍ରଛାତ୍ରୀମାନେ ବିଭିନ୍ନ ବର୍ଜ୍ୟ ପଦାର୍ଥ ବ୍ୟବହାର କରି ସୁନ୍ଦର କଳାକୃତ୍ତି ପ୍ରସ୍ତୁତି କରିଥିଲେ । ସାଂସ୍କୃତିକ ବିଭାଗ ଦାୟିତ୍ୱରେ ଥିବା ଶିକ୍ଷୟିତ୍ରୀ ସୁଷମା ପ୍ରଧାନଙ୍କର ପରିଚାଳନାରେ ୧୦୬ଟି କଳା ପ୍ରଦର୍ଶିତ ହୋଇଥିଲା । ସରକାରୀ ଟାଉନ ବାଳିକା ବିଦ୍ୟାଳୟର ଅବସରପ୍ରାପ୍ତ ପ୍ରଧାନ ଶିକ୍ଷକ ପ୍ରତାପ କୁମାର ସାଇ ପଟେଲ ଓ ପିଆର ହାଇସ୍କୁଲର ଅବସରପ୍ରାପ୍ତ ଶିକ୍ଷକ ବିଜୟ କୁମାର ବାଗ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରି ଶେଷ୍ଠ ପ୍ରତିଯୋଗୀମାନଙ୍କୁ ପୁରସ୍କୃତ କରିଥିଲେ । ସୁମିତ ପ୍ରଧାନ, ବିନ୍ଦିଆ ନାଗ, ରୋଜୀ ନାୟକ, ହିମେସ ହରପାଲ, ପୂରବ ମେହେର, ଆଦ୍ୟାସା ଦନ୍ତା, ଜ୍ୟୋତିର୍ମୟୀ ସାହୁ, ସିମରନ ଭୋଇ, ସିର୍ଦ୍ଧାଥ ଭୋଇ ପୁରସ୍କୃତ ହୋଇଥିଲେ । ଆଲୁମିନି କମିଟିର ସଭାପତି ସୁବଲ ଭୋଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ । ଚୈତନ୍ୟ ଦନ୍ତା ଧନ୍ୟବାଦ ଅର୍ପଣ କରିଥିବା ବେଳେ ନିରୁପମା ମିଶ୍ର, ଐଶ୍ଚର୍ଯ୍ୟା ସାହୁ, ରଘୁନାଥ ଜେନା ଓ ମୁକେସ ସ୍ୱାଇଁ କାର୍ଯ୍ୟକ୍ରମରେ ସହଯୋଗ କରିଥିଲେ ।