ଢେଙ୍କାନାଳ : କପିଳାସ ଅଭୟାରଣ୍ୟରେ ବନ୍ୟଜନ୍ତୁ ଶିକାର କରିବା ଅଭିଯୋଗରେ ୩ ଜଣ ଗିରଫ ହୋଇଥିବା ସୂଚନା ମିଳିଛି । ବନ୍ୟଜନ୍ତୁଙ୍କ ସୁରକ୍ଷା ପାଇଁ ବନ ବିଭାଗ ପକ୍ଷରୁ ବ୍ୟାପକ ପଦକ୍ଷେପ ନିଆଯାଇଥିଲେ ସୁଦ୍ଦ୍ଧା ବନବିଭାଗର ଅଜଣାତରେ ଅନେକ ସମୟରେ ଜଙ୍ଗଲରୁ ପଶୁମାନଙ୍କୁ ଶିକାର କରାଯାଉଥିବା ଅଭିଯୋଗ ହେଉଛି । କପିଳାସ ଅଭୟାରଣ୍ୟର କଂପାର୍ଟମେଣ୍ଟ ୨୧କୁ ଶିକାର ଉଦ୍ଦେଶ୍ୟରେ ଯାଇଥିବା ୩ ଜଣ ଶିକାରୀଙ୍କୁ କପିଳାସ ବନ କର୍ମଚାରୀମାନେ ଆଜି ଗିରଫ କରିଛନ୍ତି । ଅଭିଯୁକ୍ତମାନେ ହେଲେ ଗନ୍ଦିଆ ଥାନା କୋଲ୍ହା ଗ୍ରାମର ଲଷ୍ମୀଧର ମୁର୍ମୁ (୩୧), ଲକ୍ଷ୍ମଣ ସୋରେନ (୨୩) ଓ କାଦୁ କିସକୁ (୩୩) ।