ବଲାଙ୍ଗିର, (କେପିଏନ୍ଏସ୍) : କନ୍ଧପାଲିପଡ଼ାରୁ ସଦାଇପାଲି ଆଡ଼କୁ ଯାଇଥିବା ରାସ୍ତା ଅଘରିଆ ଭବନ ଆଗକୁ କନ୍ଧପାଲିପଡ଼ାର ଶ୍ମଶାନ ପାଖରେ ଆଜି ସଂଧ୍ୟାରେ ଏକ ବାଇକ୍କୁ ପିଟଛି ଗୋଟିଏ ଅଜଣା ଗାଡ଼ି । ଏଥିରେ ଜଣେ ବାଇକ୍ ଆରୋହୀ ଗୁରୁତର ହୋଇ ବଲାଙ୍ଗିର ଭୀମଭୋଇ ମେଡ଼ିକାଲ୍ କଲେଜ ହସ୍ପିଟାଲ୍ରେ ଭର୍ତ୍ତି ହୋଇଥିବା ଜଣାପଡ଼ିଛି । ତେବେ ବାଇକ୍ର ପଛପଟେ ବସିଥିବା ବ୍ରାହ୍ମଣପଡ଼ାର ଅନ୍ତର୍ଯ୍ୟାମୀ ବେହେରା ଗୁରୁତର ହୋଇ ହସ୍ପିଟାଲାଇଜ୍ ହୋଇଥିବା କୁହାଯାଇଛି । ଦୁର୍ଘଟଣା ଘଟାଇଥିବା ଗାଡ଼ିଟି ଘଟଣାସ୍ଥଳରୁ ଫେରାର୍ ହୋଇଥିବା ବେଳେ ବାଇକ୍ ଚଳାଉଥିବା ବ୍ୟକ୍ତି ଜଣକ ବି ଦୁର୍ଘଟଣା ପରେ ବାଇକ୍ ନେଇ ଫେରାର୍ ମାରିଥିବା ଜଣାପଡ଼ିଛି । କନ୍ଧପାଲିପଡ଼ା ଓ ତାଲପାଲିପଡ଼ାର କିଛି ଯୁବକ ଆହତ ଅନ୍ତର୍ଯ୍ୟାମୀଙ୍କୁ ଉଦ୍ଧାର କରି ଡାକ୍ତରଖାନାକୁ ଆଣିଥିବା ସୂଚନା ରହିଛି ।