ଲୋଇସିଂହା, (ବିମଳେନ୍ଦୁ ସାହୁ) : ଆଗଲପୁର ବ୍ଲକ ନଅଗାଁ ସ୍ଥିତ ଭଗବାନ ନଗର ଫାର୍ମରେ ସଂଷ୍ଟେନବୁଲ ଗ୍ରୀନ ଇନସିଏଟିଭ ଫାଉଣ୍ଡେସନ ଓ ବାସୁଦେବ ଫାଉଣ୍ଡେସନ ସହାୟତାରେ ପଲ୍ଲୀ ଆଲୋକ ପାଠାଗାର ନଅଗାଁ ତରଫରୁ ଲୋଇସିଂହା ତଥା ଆଗଲପୁର ବ୍ଲକର ଚାଷୀମାନଙ୍କୁ ଫଳଚାରା ବଣ୍ଟନ କରାଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ଯୋଗ ଦେଇଥିବା ବେଳେ ନିମନ୍ତ୍ରିତ ଅତିଥି ଭାବେ ପାଟଣାଗଡ଼ ଫରେଷ୍ଟ ରେଞ୍ଜର ଆନନ୍ଦ ଚନ୍ଦ୍ର ବିଶି ଓ ପଲ୍ଲୀ ଆଲୋକ ପାଠାଗାରର ସମ୍ପାଦକ ପ୍ରଶାନ୍ତ ନାୟକ ଯୋଗ ଦେଇଥିଲେ । ଅତିଥି ଅଭ୍ୟାଗତଙ୍କ ଦ୍ୱାରା ଚାରା ବଣ୍ଟନ କରାଯିବା ସହିତ ପରିବେଶ କେମିତି ସନ୍ତୁଳିତ ରହିପାରିବ ସେ ଉପରେ ମତାମତ ଦେଇ ଅଂଚଳରେ ଏକ ସବୁଜିମା ସୃଷ୍ଟି କରିବା ପାଇଁ ଆହ୍ୱାନ ଜଣାଇଥିଲେ ।