ବଲାଙ୍ଗିର, (କେପିଏନ୍ଏସ୍) : ଯୁକ୍ତ ଦୁଇ କଳା ପରୀକ୍ଷା ଫଳ ଗତ ୮ ତାରିଖରେ ପ୍ରକାଶ ହୋଇଥିବା ବେଳେ ବଲାଙ୍ଗିର ପୁଇଁନ୍ତଲା ଠାରେ ଥିବା ମହାବୀର କଲେଜର ୯୮% ପାସ୍ ଛାତ୍ରଛାତ୍ରୀ ପାସ୍ କରିଛନ୍ତି । ଛାତ୍ର ଛାତ୍ରୀ ମାନଙ୍କ ଦଶମ ଶ୍ରେଣୀର ମାର୍କ ଅପେକ୍ଷା ଯୁକ୍ତ ୨ରେ ତାଙ୍କର ମାର୍କ ୧୦ ରୁ ୩୦% ବୃଦ୍ଧି ପାଇଛି । କଲେଜର ଯଶଶ୍ଵିନୀ ହୋତା, ଅନିଷ୍କା ଗଡୁଆ, ମହେଶ ସାହୁ, ବିଶ୍ୱଜିତ୍ ମହାକୁର, ରେବତୀ ବୁଦ୍ଧିଆ, ସ୍ନିଗ୍ଧାରାଣୀ କମ୍ପ, ସୁମିତ ରଞ୍ଜନ ବାବୁ, ହରିଶଙ୍କର ତିୱାରୀ, ଇଲାକାନ୍ତ ସାହୁ, ଇଶ୍ମାଇଲ ବାଗ ଏମାନେ କଲେଜରେ ଶୀର୍ଷ ସ୍ଥାନ ଅଧିକାର କରିଛନ୍ତି । କଲେଜର ଅଧକ୍ଷ ବିଜୟ କୁମାର ହୋତା ଛାତ୍ରଛାତ୍ରୀ ମାନଙ୍କ ସଫଳତାକୁ ନେଇ ଛାତ୍ରଛାତ୍ରୀ ମନଙ୍କୁ ସମ୍ବର୍ଦ୍ଧିତ କରିଥିଲେ । ଅନ୍ୟପଟେ ଏହି ଶିକ୍ଷା ବର୍ଷରୁ ମହାବୀର କଲେଜରେ ବିଜ୍ଞାନ ଓ ବାଣିଜ୍ୟ ବିଭାଗର ଆଡ଼ମିଶନ ପ୍ରକ୍ରିୟା ଆରମ୍ଭ ହେବାକୁ ନେଇ ସୂଚନା ମିଳିଛି ।