ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପଦ୍ମପୁର ବ୍ଲକ ଦହିଗାଁ ଗ୍ରାମ ପଂଚାୟତ ଦହିଗାଁଠାରେ ଲୋକକଳା ମହୋତ୍ସବ ଅନୁଷ୍ଠିତ ହେବ । ଆଜି ଓ ଆସନ୍ତା କାଲି ଦିନ ଦୁଇ ଦିନ ଧରି ଅନୁଷ୍ଠିତ ହେବ । ଏହି ଲୋକକଳା ମହୋତ୍ସବରେ ରାଜବୋଡାସମ୍ବର ଜୋନ. ୩ର ସାତଟି ପଂଚାୟତର ସମସ୍ତ କଳାକାରମାନଙ୍କୁ ଅଂଶଗ୍ରହଣ କରିବାକୁ ଅନୁରୋଧ କରିଛନ୍ତି ଦହିଗାଁ ଗ୍ରାମ ପଂଚାୟତର ସରପଞ୍ଚ ଶ୍ରୀମତୀ ଚଞ୍ଚଳା ଦାଶ ଓ ଲୋକକଳା ମହୋତ୍ସ କମିଟିର ସଭାପତି ପ୍ରବୀଣ ଦାଶ । ଶ୍ରୀ ଦାଶ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ଗାଁ ଗହଳିମାନଙ୍କରେ ଲୋକକଳା ଓ କଳା ପ୍ରତିଭା ଲୋପପାଇ ବସିଛି । ଏଣୁ କରି ଏହି କଳାକାର ମହୋତ୍ସବ ଦ୍ଵାରା କଳାକାରମାନେ ତାଙ୍କର ପ୍ରତିଭା ଦେଖାଇ ପାରିବେ । ଏହି କାର୍ଯ୍ୟକ୍ରମରେ ସାତଟି ଗ୍ରାମ ପଂଚାୟତର ସରପଞ୍ଚ, ବିଡିଓ ରାଜବୋରାସମ୍ବର ଓ ସମସ୍ତ କଳାକାରମାନଙ୍କୁ ଅଂଶଗ୍ରହଣ କରିବା ପାଇଁ ସରପଞ୍ଚ ଅନୁରୋଧ କରିଛନ୍ତି ।