ବାଲିଗୁଡ଼ା, (ସୁରେନ୍ଦ୍ର କୁମାର ପାଣିଗ୍ରାହୀ) : କନ୍ଧମାଳ ଜିଲ୍ଲା ବାଲିଗୁଡ଼ାରେ ୧୦୮ ଏକର ସରକାରୀ ଜମିରେ ଚାଷ ହୋଇଥିବା ଗଞ୍ଜେଇ ଚାଷ ନଷ୍ଟ କଲେ ପୋଲିସ ଓ ଅବକାରୀ ବିଭାଗ । ସିନ୍ଦ୍ରି ଗ୍ରାମ ପଞ୍ଚାୟତ ମଶାଣିପାଙ୍ଗା ଏବଂ ସଲଗପଦର ଅଞ୍ଚଳରୁ ଏହି ଗଞ୍ଜେଇ ଚାଷ ନଷ୍ଟ କରାଯାଇଛି ।
କନ୍ଧମାଳ ଏସ୍ପିଙ୍କ ନିର୍ଦ୍ଦେଶ କ୍ରମେ ବାଲିଗୁଡ଼ା ଏସ.ଡି.ପି.ଓଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଥାନା ଅଧିକାରୀ ବାବା ଶଙ୍କର ସରାଫଙ୍କ ଉପସ୍ଥିତିରେ ବାଲିଗୁଡ଼ା ଥାନା ପୋଲିସ ଏବଂ ଅବକାରୀ ବିଭାଗ ମିଳିତ ଚଢାଉ କରିଥିଲେ ।
ରାଜସ୍ଵ ଅଧିକାରୀଙ୍କ ଉପସ୍ଥିତିରେ ମିଳିତ ଭାବେ ସିନ୍ଦ୍ରି ଗ୍ରାମ ପଞ୍ଚାୟତ ମଶାଣିପାଙ୍ଗା ଏବଂ ସଲଗପଦର ଅଞ୍ଚଳରୁ ୧୦୮ ଏକର ସରକାରୀ ଜମିରେ ଚାଷ ହୋଇଥିବା ଗଞ୍ଜେଇ ଚାଷ ନଷ୍ଟ କରାଯାଇଛି । ଏନେଇ ବାଲିଗୁଡ଼ା ଥାନାରେ ଏନ.ଡ଼ି.ପି.ଏସ ଆକ୍ଟରେ ବେନାମୀ ମାମଲା ରୁଜୁ ହୋଇଛି । ନଷ୍ଟ କରାଯାଇଥିବା ଗଞ୍ଜେଇର ଆନୁମାନିକ ମୂଲ୍ୟ କୋଟିଏ ଟଙ୍କାରୁ ଅଧିକ ହେବ ବୋଲି ପୋଲିସ ସୂଚନା ଦେଇଛି ।