ମୁରିବାହାଲ, (କେପିଏନ୍ଏସ୍) : ମୁରିବାହାଲ ବ୍ଲକ କଦଳୀ ପଞ୍ଚାୟତ ଯମୁନା ଗ୍ରାମର ପ୍ରହରୀ ମଣ୍ଡପରେ ଗ୍ରାମବାସୀଙ୍କ ପକ୍ଷରୁ ଅନୁଷ୍ଠିତ ପାଞ୍ଚ ଦିନ ବ୍ୟାପି ସାମୂହିକ କାର୍ତ୍ତିକ ପଞ୍ଚୁକ ବ୍ରତ ମଙ୍ଗଳବାର ଉଦ୍ଯାପିତ ହୋଇଯାଇଛି । ଏଥିରେ ପ୍ରଧାନ ଶିକ୍ଷକ ନେତ୍ରାନନ୍ଦ ମହାକୁର ଓ ତାଙ୍କ ପତ୍ନୀ ଝୁନୁରାଣୀ ମହାକୁର କର୍ତ୍ତା ଏବଂ ଦୁର୍ଯ୍ୟୋଧନ ପାଣିଗ୍ରାହୀ ଓ ଜୟରାମ ଥନାପତି ପୂଜକ ଦାୟିତ୍ୱ ନିର୍ବାହ କରିଥିଲେ । ଏଥିରେ ଗ୍ରାମର ଜେହେରୁ ମହାକୁର, କୃଷ୍ଣ ଚନ୍ଦ୍ର କଲତା, ବ୍ରଜମୋହନ ମହାକୁର, ମାର୍କଣ୍ଡ ମହାକୁର, ଚୈତନ୍ୟ ଶିକା, ନଟବର ମେର୍ଲି, ଭିକାରୀ ପାତ୍ର, ଗାନ୍ଧୀଲାଲ ମହାକୁରଙ୍କ ସହ ସମସ୍ତ ମହିଳା ହବିଷ୍ୟାଳି ଓ ଗ୍ରାମବାସୀ ସାମୂହିକ ଭାବେ ଗୋଟିଏ ସ୍ଥାନରେ କାର୍ତ୍ତିକ ପଞ୍ଚୁକ ବ୍ରତ ପାଳନରେ ସାମିଲ ହୋଇଥିଲେ ।