ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲାର ପାଟଣାଗଡ ବ୍ଲକ ଅର୍ନ୍ତଗତ ଯୋଗୀମୁଣ୍ଡା ଗାଁଠାରେ ବାଇକ ଦୁର୍ଘଟଣାରେ ଯୁବକ ଗୁରୁତର ହୋଇଥିବା ଜଣାପଡିିଛି । ମିଳିଥିବା ସୂଚନା ଅନୁସାରେ, ପାଟଣାଗଡ ବ୍ଲକର ଖୁଣ୍ଟସମଲେଇ ଗ୍ରାମର ବିକାଶ ମିଶ୍ର(୨୨) ବାଇକରେ ନିଜ ଗାଁ ଖୁଣ୍ଟସମଲେଇରୁ ଯୋଗୀମୁଣ୍ଡାକୁ ଯାଉଥିବା ସମୟରେ ଗତ ରାତିରେ ଯୋଗୀମୁଣ୍ଡା ଠାରେ ଭାରସାମ୍ୟ ହରାଇ ବାଇକରୁ ପଡିଯାଇଥିଲେ । ଏଥିରେ ବିକାଶଙ୍କ ମୁଣ୍ଡ ଓ ମୁହଁରେ ଗଭୀର ଆଘାତ ଲାଗିଛି । ସ୍ଥାନୀୟ ଲୋକଙ୍କ ସହାୟତାରେ ପ୍ରଥମେ ପାଟଣାଗଡ ହସ୍ପିଟାଲ ଓ ତା’ପରେ ବିକାଶଙ୍କୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ ସର୍ଜରି ୱାର୍ଡରେ ଭର୍ତ୍ତି କରିଥିବା ସୂଚନା ମିଳିଛି ।