
ପଦ୍ମପୁର, (ନିରୋଜ କୁମାର ପାଣୀ) : ଓଡିଶା ବନ ଉନ୍ନୟନ ନିଗମ ବାଣିଜ୍ୟ କେନ୍ଦୁପତ୍ର ପଦ୍ମପୁର ଉପଖଣ୍ଡ ପକ୍ଷରୁ ମାଗଣା ସ୍ୱାସ୍ଥ୍ୟ, ଚକ୍ଷୁ ଚିକିତ୍ସା ଓ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ପଦ୍ମପୁର ଡିଏଫଓ ବିଭୁତି ଭୂଷଣ ବେହେରା ମୂଖ୍ୟ ଅତିଥି, ଚର୍ଦାପାଲି ସରପଞ୍ଚ ସମ୍ମାନିତ ଭାବେ ଯୋଗଦେଇ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିବା ସହ ରକ୍ତ ଦାନ ଏକ ମହତ୍ ଦାନ ବୋଲି ରକ୍ତଦାତା ମାନଙ୍କୁ ପ୍ରଶଂସା କରିଥିଲେ । ଏଥିରେ ପ୍ରାୟ ୩୫ ଜଣ ବ୍ୟକ୍ତି ରକ୍ତଦାନ କରି ମହତ କାର୍ଯ୍ୟରେ ସାମିଲ ହୋଇଥିଲେ । ପଦ୍ମପୁର ବ୍ଳଡ ବ୍ୟାଙ୍କ କର୍ମଚାରୀ ମାନେ ରକ୍ତ ସଂଗ୍ରହରେ ସହଯୋଗ କରିଥିଲେ । ଏହି ଶିବିରକୁ ରମେଶ ଚନ୍ଦ୍ର ସାହୁ, ଏସଡିଏମ୍, ଓଏଫଡିସି ଲିମିଟେଡ ପ୍ରମୁଖ ରକ୍ତଦାତା ମାନଙ୍କୁ ଉତ୍ସାହିତ କରାଯାଇଥିଲା । ଏହି ଶିବିରରେ ୩୪୮ ଜଣ ରୋଗୀ ମାଗଣା ଔଷଧ ବଣ୍ଟନ ୨୩ ଜଣକୁ ଚଷମା ପ୍ରଦାନ କରାଯାଇଥିଲା । ଏଥିରେ ଓଏଫଡିସି ଲିମିଟେଡର ଷ୍ଟାଫ ଓ କର୍ମଚାରୀ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସହଯୋଗ କରିଥିଲେ ।