ରାଉରକେଲା, (ସସ୍ମିତା ପ୍ରଧାନ) : “ବିଶ୍ୱ ଖାଦ୍ୟ ଦିବସ” ପ୍ରଥମ ଥର ୧୯୮୧ମସିହା ଅକ୍ଟୋବର ୧୬ତାରିଖରେ ପାଳିତ ହୋଇଥିଲା । ଏହାର ମୁଖ୍ୟ ଉଦ୍ଦେଶ୍ୟ ହେଲା ଭୋକ ଓ ଅପପୃଷ୍ଟି ସମ୍ବନ୍ଧରେ ଲୋକମାନଙ୍କ ମଧ୍ୟରେ କିପରି ସଚେତନତା ବୃଦ୍ଧି କରିବା । ଏହି କାର୍ଯ୍ୟକ୍ରମର ଚଳିତ ବର୍ଷର ବିଷୟବସ୍ତୁ “ସୁସ୍ଥ ସମାଜ ସୁଖୀ ସମାଜ” । ଏହି ଦିବସ ଉପଲକ୍ଷେ ରାଉରକେଲା ଆଇନ ମହାବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷା ଡକ୍ଟର ସମ୍ପାଦିକା ମହାନ୍ତିଙ୍କ ଅଧ୍ୟକ୍ଷତାରେ ଓ ସୁବର୍ଣ୍ଣ ଜୟନ୍ତୀ ଉପଲକ୍ଷେ, ରାଉରକେଲାର ମୁଖ୍ୟ ସରକାରୀ ଚିକିତ୍ସାଳୟର ରୋଗୀମାନଙ୍କୁ ପାଞ୍ଚଶହ ପ୍ୟାକେଟ ଫଳ ଓ “ହ୍ୟୁମାନୀଟି ଫାଉଣ୍ଡେସନ ସେଣ୍ଟର”, ଜଗଦା ଠାରେ ଥିବା ଅନାଥ ଆଶ୍ରମ ଓ ଟିମ୍ବର କଲୋନୀ ଠାରେ ଥିବା “ଶାନ୍ତି ଭବନ”ରେ ମହାବିଦ୍ୟାଳୟ ତରଫରୁ ଏକ ଫଳ ବିତରଣ କାର୍ଯ୍ୟକ୍ରମ ହୋଇଥିଲା । ପ୍ରାୟ ପାଞ୍ଚଶହ ରୋଗୀମାନଙ୍କୁ ଫଳ ବିତରଣ କରାଯାଇଥିଲା । ଏଥିରେ ମହାବିଦ୍ୟାଳୟର ଅଧ୍ୟକ୍ଷା, ପରିଚାଳନା କମିଟି ସଦସ୍ୟା ଛବି ଚକ୍ରବର୍ତ୍ତୀ, ଇଞ୍ଜିନିୟର ହରଦୀପ ସିଂ, ବରିଷ୍ଠ ଆଇନଜୀବୀ ଗିରିଶଚନ୍ଦ୍ର ମହାପାତ୍ର, ପୁରାତନ ପରିଚାଳନା କମିଟିର ସଦସ୍ୟା ଛବି ମହାନ୍ତି, ପ୍ରଶାନ୍ତ ସେଠି, ପୁରାତନ ଛାତ୍ର ସୁନୀଲ କାଏଲ, ଲାଇବ୍ରେରୀଆନ ଲକ୍ଷ୍ମୀପ୍ରିୟା ସାହୁ, ହୃଦୟ ରଞ୍ଜନ ମହାନ୍ତି ଓ ଛାତ୍ରଛାତ୍ରୀମାନଙ୍କ ମଧ୍ୟରେ ରାହୁଲ, ଧରିତ୍ରୀ, ମହେଶ୍ୱିନୀ, ସାଧନା ରାଣୀ, ହେମନ୍ତ, ସିମରନ, ପ୍ରିୟଙ୍କା, ମଧୁସ୍ମିତା, ଅଜିତ ପ୍ରମୁଖ ଯୋଗଦେଇ ରୋଗୀମାନଙ୍କୁ ଫଳ ବିତରଣ କରିଥିଲେ ।