ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ ଗାନ୍ଧୀ ଷ୍ଟାଡିୟମ ଠାରେ ଓଡିଶା କ୍ରିକେଟ ଏସୋସିଏସନ ଓ ଜିଲ୍ଲା କ୍ରୀଡା ସଂସଦ ତରଫରୁ ହେବାକୁ ଥିବା ଜୁନିୟର ଇନ୍ଟ୍ରା କ୍ଲବ ଡିସେମ୍ବର ୨୨ରୁ ହେବ ବୋଲି କ୍ରିକେଟ ସଂପାଦକ ଓମ୍ ପ୍ରକାଶ ଚାନ୍ଦ ସୂଚନା ଦେଇଛନ୍ତି । ଜୁନିୟର ଇନଟ୍ରା କ୍ଲବରେ ପ୍ରତ୍ୟେକ ଟିମ୍ ୧୯ ବର୍ଷରୁ କମ୍ ୯ ଜଣ ଓ ୧୪ ବର୍ଷରୁ ଅଧିକ ଓ ୧୬ ବର୍ଷରୁ କମ୍ ୬ ଜଣ ଏଭଳି ପ୍ରତ୍ୟେକ ଟିମ୍ରେ ୧୫ ଜଣ ଖେଳାଳି ରହିବେ । ୧୯ ବର୍ଷରୁ କମ୍ ଖେଳାଳିମାନେ ୦୧.୦୯.୨୦୦୬ କିମ୍ବା ତା ପରେ ଜନ୍ମ ହୋଇଥିବେ । ଏଣୁ ଆସନ୍ତା ଡିସେମ୍ବର ୭ ତାରିଖ ସୁଦ୍ଧା ଗାନ୍ଧୀ ଷ୍ଟାଡିୟମ ଠାରେ ରେଜିଷ୍ଟେସନ କରିବାକୁ ଜିଲ୍ଲା କ୍ରୀଡା ସଂସଦ ତରଫରୁ ସୂଚନା ଦିଆଯାଇଛି ।