ବଲାଙ୍ଗିର ଜିଲ୍ଲାର ବହୁ ଚର୍ଚ୍ଚିତ ମମିତା ମେହେର ହତ୍ୟା ମାମଲାରେ କଣ୍ଟାବାଂଜି ଏଡିଜେ କୋର୍ଟରେ ହାଜିର ହେଲେ ଗୋବିନ୍ଦ ଓ ରାଧେ
ବଲାଙ୍ଗିର, (କେପିଏନ୍ଏସ୍) : ମମିତା ମେହେର ହତ୍ୟା ଘଟଣା ସାରା ରାଜ୍ୟରେ ଚହଲ ସୃଷ୍ଟି କରିଥିବା ବେଳେ ରାଜ୍ୟ ରାଜନୀତିକୁ ଦୋହଳାଇ ଦେଇଥିଲା । ତେବେ ଏହିି ଘଟଣାକୁ ନେଇ କଣ୍ଟାବାଂଜି ଏଡିଜେ କୋର୍ଟରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଓ ତାର ସହଯୋଗୀ ରାଧ୍ୟେଶ୍ୟାମ ଚଣ୍ଡୀକୁ ହାଜର କରାଯାଇଥିବା ବେଳେ ଏହି ମାମଲାରେ ସରକାରଙ୍କ ପକ୍ଷରୁ ବରିଷ୍ଠ କଂଗ୍ରେସ ନେତା ତଥା ବଲାଙ୍ଗିର ବିଧାୟକ ନରସିଂହ ମିଶ୍ରଙ୍କ ପୁଅ ଅମରେନ୍ଦ୍ର ମିଶ୍ର ସ୍ୱତନ୍ତ୍ର ସରକାରୀ ଓକିଲ ଭାବରେ ନିଯୁକ୍ତ ହୋଇଥିବା ଜଣାପଡିଛି ।