ଭୁବନେଶ୍ୱର, (ସୁଶାନ୍ତ ସାହୁ) : ଓଡ଼ିଶା ଲୋକସେବା ଆୟୋଗ (ଓପିଏସ୍ସି)ଙ୍କ ଅଫିସ୍ରେ ନିଯୁକ୍ତି ପାଇଁ ବାହାରିଛି ବିଜ୍ଞପ୍ତି । ଗ୍ରୁପ୍ ବି’ରେ ଜଣେ ପ୍ରୋଗ୍ରାମରଙ୍କୁ ନିଯୁକ୍ତି ଦେବାକୁ ଏହି ବିଜ୍ଞପ୍ତି ପ୍ରକାଶ ପାଇଥିବା ବେଳେ କେବଳ ଅନୁସୂଚିତ ଜନଜାତି (ଏସ୍ଟି) ପାଇଁ ଏହି ପଦଟି ଉଦ୍ଦିଷ୍ଟ । ଯୋଗ୍ୟ ବିବେଚିତ ପ୍ରାର୍ଥୀଙ୍କୁ ପ୍ରଥମେ ‘ଇନିସିଆଲ୍ ଆପଏଣ୍ଟି’ ଭାବେ ନିଯୁକ୍ତି ଦିଆଯିବ । ଏହାର ଅବଧି ୬ ବର୍ଷ ରହିବ। ୬ ବର୍ଷ ପରେ ତାଙ୍କ ପ୍ରଦର୍ଶନକୁ ଦେଖି ତାଙ୍କ ଚାକିରିକୁ ନିୟମିତ କରିବା ପାଇଁ ବିଚାର କରାଯିବ । ୬ ବର୍ଷ ପର୍ଯ୍ୟନ୍ତ ସେ ମାସିକ ୨୫,୩୦୦ ଟଙ୍କା ଦରମା ପାଇବେ । ଏହି ପଦବୀରେ ଆବେଦନ କରିବା ପାଇଁ ଆଗ୍ରହୀ ଓ ଉପଯୁକ୍ତ ପ୍ରାର୍ଥୀମାନଙ୍କୁ ଅନ୍ଲାଇନ୍ରେ ଆବେଦନ କରିବାକୁ ପଡ଼ିବ । ଫେବ୍ରୁଆରୀ ୮ ତାରିଖରୁ ଆଶାୟୀମାନେ ଅନ୍ଲାଇନ୍ରେ ଆବେଦନ କରିପାରିବେ । ଆବେଦନର ଶେଷ ତାରିଖ ଫେବ୍ରୁଆରୀ ୨୮ ରହିଛି। ଫେବ୍ରୁଆରୀ ୮ ତାରିଖରୁ ଓପିଏସ୍ସିର ୱେବ୍ସାଇଟ୍ https://opsconline.gov.inରେ ଆବେଦନ ଫର୍ମ ଉପଲବ୍ଧ ହେବ ।