ବଲାଙ୍ଗିର, (ଦେବାଶିଷ ମିଶ୍ର) : ବିଧାୟକ ନରସିଂହ ମିଶ୍ର ସଦର ବ୍ଲକ ଅନ୍ତର୍ଗତ ସକ୍ମା ଗ୍ରାମ ଗସ୍ତ କରି ସ୍ଥାନୀୟ ପଂଚାୟତ ହାଇସ୍କୁଲ ଖେଳ ପଡିଆର ଉଦ୍ଘାଟନ କରିଛନ୍ତି । ଉଦ୍ଘାଟନି ଉତ୍ସବରେ ଯୋଗଦେଇ ନିଜ ବକ୍ତବ୍ୟରେ ସୁସ୍ଥ ସମାଜ ଗଠନରେ କ୍ରୀଡାର ଭୂମିକା ଗୁରୁତ୍ୱପୂର୍ଣ୍ଣ ତଥା କ୍ରୀଡାକୁ ମଧ୍ୟ ଆଜିକାଲି ଯୁବକ କ୍ୟାରିୟର ରୂପେ ନେଇ ସଫଳ ହେଉଛନ୍ତି ବୋଲି ଅନେକ ଉଦାହରଣ ଦେଇଥିଲେ । ଖେଳ ପଡିଆର ନିମ୍ନମାନର କାମ ତଥା ଠିକାଦାର ଯନ୍ତ୍ରୀଙ୍କ ପ୍ରୀୟାପ୍ରୀତି ତୋଷଣ ପ୍ରତି ଅସନ୍ତୋଷ ବ୍ୟକ୍ତ କରିଥିଲେ ବିଧାୟକ ଶ୍ରୀ ମିଶ୍ର । ବିଧାୟକଙ୍କ ଉନ୍ନତିମୂଳକ କାର୍ଯ୍ୟକୁ ଅଂଚଳବାସୀ ପ୍ରଶଂସା କରି ଖୁସି ପ୍ରକଟ କରିଥିଲେ । ଆଜିର ଏହି ଉଦ୍ଘାଟନି ଉତ୍ସବରେ ଶ୍ରୀ ମିଶ୍ରଙ୍କ ବ୍ୟତିତ ସଦର ବ୍ଲକ ଅଧିକାରୀ ପ୍ରୀତମ କୁମାର ତନ୍ତି, ଅତିରିକ୍ତ ଅଧିକାରୀ ରାମଦତ୍ତ ଭୋଇ, ବ୍ଲକ ଶିକ୍ଷାଧିକାରୀ ରାଘବ ପାଣିଗ୍ରାହୀ, ବ୍ଲକ ସହକାରୀ ଯନ୍ତ୍ରୀ ଟଙ୍କଧର କାଲୋ, ବ୍ଲକ ଉପାଧ୍ୟକ୍ଷା ଯଶୋବନ୍ତି ବଘାର, ଜିଲ୍ଲା ପରିଷଦ ସଭ୍ୟ ଶ୍ରୀଧର ବାରିକ, ସ୍କୁଲ ପରିଚାଳନା କମିଟି ସଭାପତି ଗଜିନ୍ଦ୍ର ପଧାନ ତଥା ସ୍କୁଲର ସମସ୍ତ ଶିକ୍ଷକ ଶିକ୍ଷୟତ୍ରୀ ଏବଂ ଗ୍ରାମବାସୀ ଉପସ୍ଥିତ ଥିଲେ । ସଭାକୁ ପରିଚାଳନା କରିଥିଲେ ସଂଜିବ ପଧାନ ଏବଂ ପ୍ରୀୟବ୍ରତ ପଣ୍ଡା ।
