ପଦ୍ମପୁର, (ନିରୋଜ କୁମାର ପାଣୀ) : ଆଜି ବିଶ୍ୱ କ୍ରୀଡା ଦିବସ । ପଦ୍ମପୁର ମାରୱାଡି ଯୁବମଞ୍ଚ ତରଫରୁ ପଦ୍ମପୁର ସହରରେ ବିଶ୍ୱ କ୍ରୀଡା ଦିବସ ପାଳିତ ହୋଇଯାଇଛି । କ୍ରୀଡାପ୍ରେମୀ ତଥା କ୍ରୀଡାବିତମାନଙ୍କୁ ଉତ୍ସାହିତ ଓ କ୍ରୀଡା କ୍ଷେତ୍ରରେ ଆଗ୍ରହୀ ହେବା ପ୍ରୟାସରେ ଯୁବଗୋଷ୍ଠୀ ମାନଙ୍କୁ ନେଇ ଏକ ସାଇକେଲ ରାଲିର ଆୟୋଜନ କରାଯାଇଥିଲା । ପଦ୍ମପୁର ଉପଖଣ୍ଡ ପୋଲିସ ଅଧିକାରୀ ବିଭୂତି ଭୂଷଣ ଭୋଇ, ପଦ୍ମପୁର ଥାନା ଅଧିକାରୀ ରାଜେନ୍ଦ୍ର ସିଆଲ ଅତିଥି ଭାବେ ଯୋଗଦେଇ ସବୁଜ ପତାକା ଦେଖାଇ ରାଲିକୁ ଶୁଭାରମ୍ଭ କରିଥିଲେ । ସାଇକେଲ ରାଲି ମାରୱାଡି ଧର୍ମଶାଳାରୁ ବାହାରି ପଦ୍ମପୁର ସହର ପରିକ୍ରମା କରିଥିଲା । ଏହି ସାଇକେଲ ରାଲିରେ ପଦ୍ମପୁର ସହରର ବିଭିନ୍ନ ଶିକ୍ଷାନୁଷ୍ଠାନର ଛାତ୍ରଛାତ୍ରୀ, ସମାଜସେବୀ ଓ ଯୁବଗୋଷ୍ଠୀ ମାନେ ଅଂଶଗ୍ରହଣ କରିଥିଲେ । ମାରୱାଡି ଯୁବାମଞ୍ଚ, ଜାଗୄତି ଶାଖା ଓ ମହିଳା ସମିତିର ସମସ୍ତ ସଦସ୍ୟା ମାନଙ୍କ ସହଯୋଗରେ ରାଲି ଟି ସଫଳ ହୋଇଥିଲା ।