ନୂଆଦିଲ୍ଲୀ : ଭାରତରେ କରୋନ ଭାଇରସ୍ ହଇଚଇ ସୃଷ୍ଟି କରୁଛି ଏବଂ ନୂଆ ମାମଲା ଦ୍ରୁତ ଗତିରେ ବୃଦ୍ଧି ପାଉଛି । ଏହି ସମୟରେ ଭାରତରେ କୋଭିଡ -୧୯ର ନୂତନ ମାମଲା ସବୁ ରେକର୍ଡ ଭାଙ୍ଗିଛି ଏବଂ ଗତ ୨୪ ଘଣ୍ଟା ମଧ୍ୟରେ ୩.୫୪ ଲକ୍ଷରୁ ଅଧିକ ନୂତନ ମାମଲା ରିପୋର୍ଟ ହୋଇଛି, ଯାହା ମହାମାରୀ ଆରମ୍ଭରୁ ସର୍ବାଧିକ ସଂଖ୍ୟା ।
ୱାର୍ଲ୍ଡମିଟର ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ଭାରତରେ କରୋନା ଭାଇରସରେ ୩ ଲକ୍ଷ ୫୪ ହଜାର ୫୩୧ ଜଣ ଲୋକ ସଂକ୍ରମିତ ହୋଇଥିବା ବେଳେ ଏହି ସମୟ ମଧ୍ୟରେ ୨୮୦୬ ଜଣଙ୍କର ମୃତ୍ୟୁ ଘଟିଛି । ଏହା ପରେ ଭାରତରେ ସଂକ୍ରମିତ ମୋଟ କରୋନା ସଂଖ୍ୟା ୧ କୋଟି ୭୩ ଲକ୍ଷ ୪ ହଜାର ୩୦୮କୁ ବୃଦ୍ଧି ପାଇଥିବାବେଳେ ୧ ଲକ୍ଷ ୯୫ ହଜାର ୧୧୬ ଜଣ ପ୍ରାଣ ହରାଇଛନ୍ତି ।
ପରିସଂଖ୍ୟାନ ଅନୁଯାୟୀ, କୋଭିଡ -୧୯ ଠାରୁ ଏପର୍ୟ୍ୟନ୍ତ ଦେଶରେ ୧ କୋଟି ୪୨ ଲକ୍ଷ ୯୬ ହଜାର ୬୪୦ ଲୋକ ଆରୋଗ୍ୟ ଲାଭ କରିଛନ୍ତି । ଅବଶ୍ୟ, ଗତ କିଛି ଦିନ ମଧ୍ୟରେ ସୁସ୍ସ୍ଥତା ହାରରେ କ୍ରମାଗତ ହ୍ରାସ ଘଟିଛି । ଏହା ସହିତ ସକ୍ରିୟ ମାମଲା କ୍ରମାଗତ ଭାବେ ବୃଦ୍ଧି ପାଉଛି ଏବଂ ସାରା ଦେଶରେ ୨୮ ଲକ୍ଷ ୭ ହଜାର ୩୩୩ ଲୋକ ଚିକିତ୍ସିତ ହେଉଛନ୍ତି ।