ବଲାଙ୍ଗିର, (କେପିଏନ୍ଏସ୍) : ଆଜି ବଲାଙ୍ଗିର ଗାନ୍ଧିଷ୍ଟାଡିୟମଠାରେ ଆୟୋଜିତ ଓସିଏ ଭିଜନ ୨୦୨୪ ସିନିୟର ଇନ୍ଟ୍ରାକ୍ଳବ ସୁପରଲିଗ୍ କ୍ରିକେଟ ପ୍ରତିଯୋଗିତାରେ ନାଏକ କ୍ରିକେଟ ଏକାଡେମୀର(ଏ) ଦଳ ବିଜୟୀ ହୋଇଛି । ଆଜିର ପ୍ରତିଯୋଗିତା ନାଏକ ଏକାଡେମୀ ଓ ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ମଧ୍ୟରେ ଅନୁଷ୍ଠିତ ହୋଇଥିଲା । ନାଏକ ଏକାଡେମୀ ଟସ୍ ଜିଣି ପ୍ରଥମେ ବ୍ୟାଟିଂର ନିଷ୍ପତି ନେଇ ନିର୍ଦ୍ଧାରିତ ୫୦ ଓଭରରେ ୫ଉଇକେଟ ହରାଇ ୨୬୬ ରନ୍ ସ୍କୋର କରିଥିଲେ । ଦଳ ପକ୍ଷରୁ କିସାନ ନାଏକ ସର୍ବାଧିକ ୯୨ ରନ୍, ସୁଭାଶିଷ ୬୯ ଓ ମାନସ ରଂଜନ ଅପରାଜିତ ୫୮ ରନ୍ କରିଥିଲେ । ୟଙ୍ଗ ଷ୍ଟୁଡେଣ୍ଟ ପକ୍ଷରୁ ସ୍ୱାଗତ ପଟ୍ଟନାୟକ ୨ଟି ଓ ତନୁ ସୁଭମ ୧ ଗୋଟି ୱିକେଟ ଅକ୍ତିଆର କରିଥିଲେ । ୨୬୭ ରନ୍ର ଲକ୍ଷକୁ ପିଛା କରିବାକୁ ଯାଇ ୟଙ୍ଗ ଷ୍ଟୁଡେଣ୍ଟ ନିର୍ଦ୍ଧାରିତ ୫୦ ଓଭରରେ ୯ ଉଇକେଟ ବିନିମୟରେ କେବଳ ୨୫୬ ରନ୍ ସଂଗ୍ରହ କରିବାକୁ ସକ୍ଷମ ହୋଇଥିବା ବେଳେ ୧୧ ରନ୍ରେ ମ୍ୟାଚରେ ପରାଜୟ ବରଣ କରିଥିଲେ । ଦଳ ପକ୍ଷରୁ ସନ୍ତୋଷ ମିଶ୍ର ସର୍ବାଧିକ ୭୨ ରନ ଓ ତନୁ ସୁଭମ ୭୦ ରନ୍ ସଂଗ୍ରହ କରିଥିଲେ । ନାଏକ ଏକାଡେମୀ ପକ୍ଷରୁ ସତ୍ୟଜିତ ସିଂହଦେଓ ୩ଗୋଟି ଓ ଅଙ୍କିତ ପଣ୍ଡା ୨ ଗୋଟି ଉଇକେଟ ଅକ୍ତିଆର କରିଥିଲେ । ନାଏକ ଏକାଡେମୀର କିସନ ନାଏକକୁ ତାଙ୍କର ବ୍ୟାଟିଂ ପ୍ରଦର୍ଶନ ପାଇଁ ଆଜିର ଶ୍ରେଷ୍ଠ ଖେଳାଳୀ ଘୋଷିତ କରାଯାଇଥିଲା । ଏହି ମ୍ୟାଚକୁ ଓସିଏ ମାନ୍ୟତା ପ୍ରାପ୍ତ ଅମ୍ପାୟାର ପୃଥ୍ୱୀରାଜ ମିଶ୍ର ଓ ସମୀର କୁମାର ପାଣିଗ୍ରାହୀ ପରି·ଲନା କରିଥିବା ବେଳେ ସୁଭମ ନାଏକ ଓ ସ୍ୱାଗତ ସ୍କୋରର ଦାୟିତ୍ୱ ତୁଲାଇଥିଲେ ।