ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଖଇରା ଗ୍ରାମରେ ବାବା କୁଞ୍ଜ ବିହାରୀ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ ତୃତୀୟ ଦିବସରେ ମୁଖ୍ୟ ଅତିଥି ଭାବେ ରାଜ୍ୟପାଳ ପୁରଷ୍କାର ପ୍ରାପ୍ତ ଶିକ୍ଷକ ତଥା ସାହିତ୍ୟ କଳା ପରିଷଦର ସଭାପତି ଡଃ ନାରାୟଣ ମିଶ୍ର ଯୋଗଦେଇ ଖେଳାଳୀ ଉତ୍ସାହିତ କରିଥିଲେ । ତୃତୀୟ ଦିବସର ଦ୍ୱୀତିୟାର୍ଦ୍ଧରେ ଡଙ୍ଗରପଡା ଓ କୁକୁଡାହାଡ ଦଳ ମଧ୍ୟରେ ଖେଳ ହୋଇଥିଲା । ଏଥିରେ ପ୍ରଥମେ ଡଙ୍ଗରପଡା ଦଳ ବ୍ୟାଟିଂ କରି ୧୦ ଓଭରରେ ୧୦ ୱିକେଟ ହରାଇ ୧୦୫ ରନ ସଂଗ୍ରହ କରିଥିବା ବେଳେ ଜବାବ୍ରେ କୁକୁଡାହାଡ ଦଳ ବ୍ୟାଟିଂ କରି ୯ ଓଭର ୪ ବଲରେ ୮ ୱିକେଟ ହରାଇ ୧୦୬ ରନ ସଂଗ୍ରହ କରି ବିଜୟୀ ହୋଇଥିଲା । ହରପ୍ରସାଦ ମାଝୀ ଓ କଂଚନ ବିଏଲ୍ କୁମ୍ଭାର ଖେଳ ପରିଚାଳନା କରିଥିଲେ । ଏଥିରେ ଆୟୋଜକ କମିଟିର ସଭାପତି ଖୃଦାସ ଭୋଇ, ସମ୍ପାଦକ ନିଳକଣ୍ଠ ଯାନୀ, ମଦନ, ମତି, ବିଭୁତି, ରୋହିତ, ଦେବିଲାଲ, ତ୍ରିଧାମ ଜାନୀ ଓ ଗଣନାଥ ରଣା ପ୍ରମୁଖଙ୍କ ସହ କମିଟିର ସମସ୍ତ ସଦସ୍ୟମାନେ ସହଯୋଗ କରିଥିଲେ ।
