ମୁଜାଫରପୁର : ବିହାରର ମୁଜାଫରପୁରର ହୋଟେଲ ସେଣ୍ଟ୍ରାଲ ପାର୍କରେ ଜଣେ ନୃତ୍ୟଶିଳ୍ପୀ ଗାର୍ଲଫ୍ରେଣ୍ଡଙ୍କୁ ହତ୍ୟା ପରେ ପ୍ରେମିକର ଆତ୍ମହତ୍ୟା ମାମଲା ସିସିଟିଭି ଫୁଟେଜ ସାମ୍ନାକୁ ଆଣିଛି । ସିସିଟିଭି ଫୁଟେଜରୁ ଜଣାପଡିଛି ଯେ, ହତ୍ୟା ପୂର୍ବରୁ ଦୁହିଁଙ୍କ ମଧ୍ୟରେ ବିବାଦ ଲାଗିଥିଲା ଏବଂ ମନୀଷ ପ୍ରଥମେ ନିଶା(ରାନୀ)ଙ୍କ ଉପରେ ଏହି ବିବାଦକୁ ନେଇ ଗୁଳି ଚଳାଇଥିଲା ଏବଂ ଏହା ପରେ ସେ ମଧ୍ୟ ନିଜକୁ ହତ୍ୟା କରିଥିଲା ।
ହୋଟେଲରୁ ସିସିଟିଭି ଫୁଟେଜ୍ ଥିବା ଏକ ଭିଡିଓରେ ଦେଖାଯାଉଛି ଯେ, ରାନୀ କୋଠରୀରୁ ବାହାରକୁ ଯାଇ ପାହାଚରୁ ଓହ୍ଲାଇବାକୁ ଚେଷ୍ଟା କରୁଛନ୍ତି, କିନ୍ତୁ ହେଲମେଟ ଲଗାଇଥିବା ମନୀଷ ତାଙ୍କ କେଶ ଧରି ଭିତରକୁ ଟାଣି ନେଇଛନ୍ତି । ଏହି ଭିଡିଓ ଦେଖିବା ପରେ ଲାଗୁଛି ଯେ, କିଛି ସମୟ ପୂର୍ବରୁ ଉଭୟଙ୍କ ମଧ୍ୟରେ କୌଣସି ଜିନିଷକୁ ନେଇ ବିବାଦ ଲାଗି ରହିଥିଲା, ଯେଉଁଥିପାଇଁ ରାନୀ ଫେରିଯିବା ଆରମ୍ଭ କରିଥିଲେ ।