ତେଲନଦୀ ଖଣ୍ଡିରେ ବିଜେଡିର କର୍ମୀ ସମାବେଶ : ବ୍ଲକର ବିକାଶ କାମରେ ବାଧା ହେଉଥିବାରୁ ଆଗାମୀ ଦିନରେ ହେବ ବ୍ଲକ ଘେରାଉ

ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଳକ ଅର୍ଜୁନପୁର ବ୍ରାମଣିପଳା ସ୍ଥିତ ତେଲନଦୀ ଖଣ୍ଡିରେ ବୁଧବାର ଦିନ ୧୧ଟା ସମୟରେ ଏକ ବିଜେଡ଼ି କର୍ମୀ ସମାବେଶ ଅନୁଷ୍ଠିତ ହୋଇଯାଇଛି । ଏହି କର୍ମୀ ସମାବେଶକୁ ଦେଓଗାଁ ବ୍ଳକ ବିଜେଡି ଯୁବ ସଭାପତି ଶୈଳେନ୍ଦ୍ର ସାହୁ ପରିଚାଳନା କରି ସଭାପତିତ୍ୱ କରିଥିଲେ । ଅତିଥିଭାବେ ଯୁବ ନେତା ଅର୍କେଶ ନାରାୟଣ ସିଂଦେଓ ଯୋଗଦେଇ ଦେଓଗାଁ ବ୍ଲକର ସମସ୍ତ ପଞ୍ଚାୟତକୁ ନେଇ ବିଭିନ୍ନ ସମୟରେ ୫ଟି ପର୍ୟ୍ୟାୟରେ କର୍ମୀ ସମାବେଶ ଅନୁଷ୍ଠିତ ହେବ ବୋଲି କର୍ମୀମାନଙ୍କୁ କହିଥିଲେ । ଦେଓଗାଁ ବ୍ଳକରେ ହେବାକୁ ଥିବା ଉନ୍ନତି ମୂଳକ କାମରେ ବାଧା ସୃଷ୍ଟି ହେଉଛି ବୋଲି ପୂର୍ବ ଅଧ୍ୟକ୍ଷ ଲକ୍ଷ୍ମଣ ମେହେର ପ୍ରକାଶ କରି ଆଗାମୀ ଦିନରେ ବ୍ଳକ ଘେରାଉ କରାଯିବ ବୋଲି ପ୍ରକାଶ କହିଛନ୍ତି । ପରିଶେଷରେେ ଅନ୍ତର୍ୟ୍ୟାମୀ ଭୋଇ ଧନ୍ୟବାଦ ଅର୍ପଣ କରିଥିଲେ ।