ସଇଁନ୍ତଲା, (କେପିଏନ୍ଏସ୍) : ବଲାଙ୍ଗିର ଜିଲ୍ଲା କୈବର୍ତ ସମାଜର ସଭାପତି କଂସାରୀ ନାଏକଙ୍କ ମା’ ମଦନା ବତୀ ନାଏକ(୮୬)ଙ୍କ ପରଲୋକ ହୋଇଯାଇଛି । ଜିଲ୍ଲା ମୁଖ୍ୟ ଚିକିତ୍ସାଳୟରୁ ଚିକିସିôତ ହୋଇ ଘୁନସର ସ୍ଥିତ ତାଙ୍କ ବାସ ଭବନକୁ ଆସିବା ପରେ କିଛି ଦିନ ହେଲା ବାର୍ଦ୍ଧିକ୍ୟ ଜନିତ ଅସୁସ୍ଥତା ହେତୁ ଶଯ୍ୟାଶାୟୀ ହୋଇଥିଲେ । ମଦନାବତୀ ନାଏକ ଜଣେ ଧର୍ମପରାୟଣା, ପରୋପକାରୀ ତଥା ମେଳାପୀ ମହିଳା ଭାବରେ ସ୍ଥାନୀୟ ଅଂଚଳରେ ବେଶ୍ ଜଣାଶୁଣା ଥିଲେ । ଶବ ସତ୍କାର ସମୟରେ ଭାଇ, ବୋହୁ ମଥୁରା, ପୁଅ, ଝିଅ ରୀନା, ଅମୁଲ୍ୟ, ଭୂମିସୂତା, ସଂଞ୍ଜୁ, ମଞ୍ଜୁ, ନାତି ସ୍ୱାଗତ, ନାତୁଣୀ ମନରୋମା, ସ୍ୱାଗତିକା, ଝୁମି, ଜ୍ୱାଇଁ ପ୍ରେମାନନ୍ଦ, ଅଭିମନ୍ୟୁ, ବନ୍ଧୁ ବାନ୍ଧବ ଓ ଆତ୍ମୀୟ ଗ୍ରାମବାସୀଙ୍କ ଉପସ୍ଥିତିରେ ତାଙ୍କ ଏକ ମାତ୍ର ପୁଅ କଂସାରୀ ନାଏକ ମୁଖାଗ୍ନି ଦେଇଥିଲେ । ତେବେ ଆସନ୍ତା ୨୭.୧.୨୧ ବୁଧବାର ଦିନ ତାଙ୍କ ଅମର ଆତ୍ମ ସଦଗତି ନିମନ୍ତେ ଶୁଦ୍ଧକ୍ରିୟା ଅନୁଷ୍ଠିତ ହେବ ବୋଲି ତାଙ୍କ ପୁଅ ଶ୍ରୀ ନାଏକ ପ୍ରକାଶ କରିଛନ୍ତି । ଖବର ପ୍ରସାରିତ ହେବା ପରେ ଅଂଚଳରେ ଶୋକର ଛାୟା ଖେଲିଯାଇଛି ।