ଆଗଲପୁର, (ବିମଳେନ୍ଦୁ ସାହୁ) : ଆଗଲପୁର ବ୍ଲକ ଝରଣୀପାଲି ପଞ୍ଚାୟତ ପକ୍ଷରୁ ପ୍ରତିବର୍ଷ ଭଳି ଚଳିତ ସାଧାରଣତନ୍ତ୍ର ଦିବସ ଅବସରରେ ପଞ୍ଚାୟତର ସମସ୍ତ ଗ୍ରାମକୁ ନେଇ ଏକଦିବସୀୟ ପଞ୍ଚାୟତ କପ୍ କ୍ରିକେଟ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଏଥିରେ ମୋଟ ଆଠଟି ଦଳ ଅଂଶଗ୍ରହଣ କରିଥିଲେ । ଆଡେନଡୁଙ୍ଗୁରୀ ଓ ପଣ୍ଡକିଟାଲ ମଧ୍ୟରେ ଅନୁଷ୍ଠିତ ଫାଇନାଲ୍ ମ୍ୟାଚ୍ରେ ଆଡେନଡୁଙ୍ଗୁରୀ ଏକାଦଶ ପଣ୍ଡକିଟାଲକୁ ହରାଇ ବିଜୟୀ ହୋଇଥିଲା । ସରପଞ୍ଚ ସୁନୀତା ସାହୁ ଏହି ଟୁର୍ଣ୍ଣାମେଣ୍ଟକୁ ଉଦ୍ଘାଟନ କରିଥିଲେ । ଉଦ୍ଯାପନୀ ତଥା ପୁରସ୍କାର ବିତରଣ ଉତ୍ସବରେ ରିନ୍ବଚନ ସରପଞ୍ଚ ପ୍ରମିଳା ଦୋରା, ବାବୁଫାସଡ଼ ସରପଞ୍ଚ ଜୟନ୍ତୀ ସେଟ୍, ଝରନିପାଲି ସରପଞ୍ଚ ସୁନୀତା ସାହୁ, ନିର୍ବାହୀ ଅଧିକାରୀ ରଶ୍ମୀରଞ୍ଜନ ପଧାନ ପ୍ରମୁଖ ଉପସ୍ଥିତ ଥିଲେ । ଭରତ, ମଦନ, ସୁଶାନ୍ତ, ସୁଦନ, ଗଗନ, ମଣ୍ଟୁ, ଜେ.ପି.ଏସ୍.ଏର ସଦସ୍ୟ ଖେଳ ପରିଚାଳନା କରିଥିବା ବେଳେ ଅଚ୍ୟୁତ କୁମ୍ଭାର ଧାରା ବିବରଣୀ ପ୍ରଦାନ କରିଥିଲେ ।