ଟିଟିଲାଗଡ଼, (ସଞ୍ଜୟ କୁମାର ନାୟକ) : ଟିଟିଲାଗଡ଼ ସହରର ଅଗ୍ରଣୀ ଶ୍ରୀ ଦାଦିଜୀ ମନ୍ଦିର ଟ୍ରଷ୍ଟ ପ୍ରଭାବତୀ ପବ୍ଲିକ ସ୍କୁଲରେ ଏକ ଦିବସୀୟ ମେଗା ଇଭେଣ୍ଟ ଏକ୍ସପୋ ୨୦୨୫ ଅତି ନିଆରା ଢଙ୍ଗରେ ସ୍କୁଲ ଅଧ୍ୟକ୍ଷା ଡ. ସୁନନ୍ଦା ଜତିଙ୍କ ଅଧ୍ୟକ୍ଷତାରେ ମଙ୍ଗଳବାର ଦିନ ସ୍ଥାନୀୟ ପିପଲପଦର ଠାରେ ଥିବା ସିନିୟର୍ ୱିଙ୍ଗସରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ଟିଟିଲାଗଡ଼ ପୌର ପରିଷଦର ଅଧ୍ୟକ୍ଷା ଶ୍ରୀମତୀ ମମତା ଦେବୀ ଜୈନ, ସମ୍ମାନିତ ଅତିଥି ଭାବେ ଟିଟିଲାଗଡ଼ ଗୋଷ୍ଠୀ ଶିକ୍ଷା ଅଧିକାରୀ ଆର୍ତ୍ତତ୍ରାଣ ରଥ, ସମାଜସେବୀ ଶ୍ରୀମତୀ ଅଞ୍ଜଳି ବେହେରା, ସିଆର୍ସିସି ଶ୍ରୀମତୀ ସାଳିନୀ ଶତପଥୀ ଯୋଗ ଦେଇ ଏକ୍ସପୋ ୨୦୨୫କୁ ଉଦ୍ଘାଟନ କରିଥିଲେ । ଏହି ଅବସରରେ ଅନ୍ୟ ଅତିଥି ମାନଙ୍କ ମଧ୍ୟରେ ସ୍କୁଲ ମ୍ୟାନେଜମେଣ୍ଟ କମିଟିର ରାଧେଶ୍ୟାମ ଅଗ୍ରୱାଲ, ଶ୍ରୀମତୀ ଶ୍ୟାମାଲତା ଅଗ୍ରୱାଲ, ଆନନ୍ଦ ଜୈନ, ଶିଶୁ ସାହିତ୍ୟିକ ଯୁଗଳ କିଶୋର ଷଡ଼ଙ୍ଗୀ, ଫିଲ୍ମ ନିର୍ଦ୍ଦେଶକ ବାପି ଡେଭିଡ ଯୋଗ ଦେଇଥିଲେ । ଉଦ୍ଘାଟନ ପରେ ମେଗା ଇଭେଣ୍ଟ ବୁଲି ଛାତ୍ରଛାତ୍ରୀଙ୍କ ବିଭିନ୍ନ ପ୍ରତିଭା ମାଧ୍ୟମରେ ନିଜ ରାଜ୍ୟ ତଥା ଅନ୍ୟାନ୍ୟ ରାଜ୍ୟର କଳା, ସଂସ୍କୃତି ବିଭିନ୍ନ ଭାଷା, ବିଜ୍ଞାନ ପ୍ରୋଜେକ୍ଟ ମାନ ପ୍ରଦର୍ଶିତ ହୋଇଥିଲା । ତା’ ସହ ବିଭିନ୍ନ ସ୍କୁଲରୁ ଆସିଥିବା ଛାତ୍ରଛାତ୍ରୀଙ୍କ ମଧ୍ୟରେ ହୋଇଥିବା ବକ୍ତୃତା, ନାଚ, ଚିତ୍ରାଙ୍କନ, ପ୍ରବନ୍ଧ, ସାଧାରଣ ଜ୍ଞାନରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ଏହି ଇଭେଣ୍ଟକୁ ପରିଚାଳନା କରିବାରେ ସ୍କୁଲର ଡାଇରେକ୍ଟର ଏଡ୍ମିନିଷ୍ଟ୍ରେସନ ଧରିତ୍ରୀ ମହାନ୍ତି, ଉପାଧ୍ୟକ୍ଷ ପିତାମ୍ବର ଶର୍ମା, କିଶୋର ଦାସ, ତୁଷାର ଦାସ, ବନମାଳୀ ପଣ୍ଡା, ଆଶିଷ ସାହୁ, ସୁରେନ୍ଦ୍ର ଦାସ, ଅନୁପମା ଚୌଧୁରୀ, ଭି ଭି ପାଣି, ଭୂପେନ୍ଦ୍ର ସାର, ଦୁର୍ଗା ସୋନି ଓ ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ମାନେ ସହଯୋଗ କରିଥିଲେ ।
Next Post