ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଦୁର୍ଗାପାଲିରେ ବାର୍ଷିକ କ୍ରୀଡା ଅନୁଷ୍ଠିତ

ବଲାଙ୍ଗିର, (କେପିଏନ୍‌ଏସ୍‌) : ତା-୧୬ ଓ ୧୭ ଦୁଇଦିନ ଧରି ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଦୁର୍ଗାପାଲିରେ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷୟିତ୍ରୀ ମଞ୍ଜୁଲତା ସାହୁଙ୍କ ସଭାପତିତ୍ୱରେ ଏହି ଉତ୍ସବରେ ମୁଖ୍ୟ ଅତିଥି ଭାବରେ ଦୁର୍ଗାପାଲି ସରପଞ୍ଚ ଶ୍ରୀମତୀ ଜନନୀ ମହଲିଙ୍ଗ, ସମ୍ମାନିତ ଅତିଥି ଭାବେ ଆର୍ତ୍ତତ୍ରାଣ ନାୟକ ଯୋଗ ଦେଇଥିଲେ । ଖେଳ ଶିକ୍ଷୟିତ୍ରୀ ଲିପି ବଗର୍ତ୍ତି, ତଥା ଅନ୍ୟାନ୍ୟ ଶିକ୍ଷକ/ଶିକ୍ଷୟିତ୍ରୀ ରାମ ପ୍ରସାଦ ପଟେଲ, ଶ୍ୱେତାଲିନା ଜାଲ, ପ୍ରଜ୍ଞାନ ମହାନ୍ତି, ପର୍ଶୁରାମ ଜାଲ, ପୂର୍ଣ୍ଣିମା ବେହେରା, ପୁଷ୍ପାଞ୍ଜଳି ରଣା, ଅନୁପ କୁମାର ସାହୁ, ପ୍ରସନ୍ନ ସାହୁ ଓ ସଦାନନ୍ଦ ମହାଲିଙ୍ଗ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ । ଶିକ୍ଷକ ସୁଦର୍ଶନ ଦାସ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଶେଷରେ ସମସ୍ତ କୃତି ଛାତ୍ରଛାତ୍ରୀ ମାନଙ୍କୁ ଅତିଥିମାନେ ପୁରସ୍କାର ପ୍ରଦାନ କରିଥିଲେ ।